Elon Musk do t’i japë fund bllokimit të Donald Trump në Twitter
Elon Musk ka thënë se do t'i japë fund bllokimit të Donald Trump nga Twitter, duke shtuar se mendon se ideja për të bllokuar ish-presidentin amerikan ishte "moralisht e gabuar".
Një lajm ky që do të festohet nga mbështetësit e Trump aq me entuziazëm sa edhe do të dënohet nga kritikët e tij. Miliarderi i teknologjisë që është në procesin e blerjes së rrjetit të mediave sociale, tha se vendimi fillestar kishte qenë i pasaktë.
"Mendoj se ishte një vendim i keq moralisht dhe një budallallëk ekstrem" tha ai në një ngjarje të organizuar nga Financial Times.
Musk shtoi se vendimi për të ndaluar zotin Trump nga Twitter, i marrë pas trazirave të 6 janarit në Kapitolin e ShBA-së, nuk e heshti zërin e ish-presidentit. Por më tepër i përforcoi pikëpamjet e tij mes njerëzve për të djathtën politike.
