Aktivistët e klimës bllokuan pistën e aeroportit në Berlin - NACIONALE

Aktivistët e klimës bllokuan pistën e aeroportit në Berlin

1 javë më parë

nga Lirim Krasniqi

Aeroporti i Brandenburgut i në Berlin njoftoi sonte se fluturimet kishin rifilluar me vonesa të vogla pasi aktivistët e Gjeneratës së Fundit dolën në pista dhe bllokuan pistën e aeroportit.

Aktivistët transmetuan drejtpërdrejt protestën e tyre në Twitter, duke treguar se si përdornin ngjitësin, përpara se të prisnin një gardh për të hyrë në pistë.

"1% e njerëzve janë përgjegjës për 50% të fluturimeve"

Protestuesit i bënë thirrje qeverisë të zgjerojë ofertën e transportit hekurudhor të lirë.

"Një për qind e popullsisë me ndikim është përgjegjëse për rreth gjysmën e fluturimeve që lëshojnë gazra serrë," thotë grupi, duke shtuar se një burrë 70-vjeçar është në mesin e protestuesve.

Një zëdhënës i aeroportit tha se policia ka arrestuar disa aktivistë.

Disa fluturime kanë ndryshuar itinerarin e tyre

Faqja e gjurmimit të fluturimeve FlightRadar24 tregoi se disa fluturime ishin ridrejtuar.

Trembëdhjetë fluturime u devijuan drejt aeroporteve në shtetin federal lindor të Saksonisë, raportoi rrjeti rbb, duke cituar Mitteldeutsche Flughafen AG, e cila operon aeroportet në Dresden dhe Leipzig. /Nacionale/

Lajme të ngjashme