Fadil Geci e akuzon Thaçin për komunikatën 59, avokati ia kujton deklaratën e Rexhep Selimit se "Gani Geci është vrasës serik"
Fadil Geci e ka vazhduar dëshminë e tij në Hagë.
Ai është shprehur i bindur se komunikatën 59 e ka shkruar Hashim Thaçi.
Megjithatë, avokati Luka Misetiq, e ka pyetur për konfliktin që ka pasur familja Geci me Rexhep Selimin, si dhe faktin që kjo deklaratë ishte shpërndarë nga Milaim Zeka.
Biseda:
Misetiq: A është e saktë se familja juaj ka qenë në konflikt me Rexhep Selimin?
Geci: Nuk e di çfarë konflikti.
Misetiq: Rexhep Selimi ka thënë se vëllai juaj ka tentuar ta vriste. Pra ka pasur një konflikt?
Geci: Ai ka qenë përfaqësues i LPK-së ne me LDK-në. Mendime të kundërta kemi pasur gjithë.
Misetiq: Në paragraf thuhet: vrasja e Sandokanit është ndër vrasjet tradhtare, është e ngjashme me ngjarjet ku tradhtarët vrasin burra me emër. Pra ju thoni që ai ka përsëritur fjalët e Hashim Thaçit?
Geci: I ka thënë në komunikatën 59, Hashim Thaçi. Këto fjalë, komandanti Sylejman Selimi i ka demantuar. Ky i ka fole fjalët e Hashim Thaçit.
Misetiq: Baza e vetme që keni ju është mendimi që komunikatën 59 e ka shkruar Hashim Thaçi?
Geci: Nuk ka ma çka me bisedu në atë drejtim kush e ka shkruar. E ka shkruar Hashim Thaçi me dorën e vet.
Misetiq: Rexhep Selimi e quante Gani Gecin vrasës serial?
Geci: Bazuar në komunikatë ndryshe s’ke mujt me quajt.
Misetiq: Vëllai juaj Ganiu ka qenë i dënuar më përpara për vrasje? Edhe sot e kësaj dite?
Geci: Ka ndodh raste të improvizuara, ka vepruar në vetëmbrojtje. Nga një grup i organizuar.
Misetiq: Vëllau juaj është dënuar për vrasjen e Ruzhdi Shaqirit?
Geci: Po.
