Prizren: Djali ia demolon zyrën babait, policia e arreston dhe i sekuestron marihuanë e heroinë

Policia e Kosovës raporton se kanë arrestuar në Prizren një person të dyshuar, mashkull, i cili ka ushtruar dhunë ndaj babait të tij.

‘’Është arrestuar i dyshuari mashkull kosovar pasi që i njëjti në gjendje të dehur, dyshohet se ka veprën e cekur, duke demoluar një zyrë që gjendej brenda shtëpisë-pronë e ankuesit mashkull kosovar, babait të tij’’- raporton Policia e Kosovës.

Policia njofton se të njejtit i janë gjetur një sasi e vogël substancash narkotike, marihuanë dhe heroinë.

‘’Njësitet policore në vendin e ngjarjes kanë gjetur dhe sekuestruar edhe një sasi të vogël substancë narkotike 0.7 gramë marihuanë dhe 0.3 gramë heroinë. Me vendim të prokurorit, i dyshuari është dërguar në mbajtje’’- raporton tutje Policia e Kosovës.