Avokati i Jakup Krasniqit: Një dëshmitar tha se Rugova e kishte quajtur 'UÇK-në si lojë serbe'

Avokati mbrojtës i Jakup Krasniqit, Ellis, në seancën e sotme ka bërë një pyetje interesante.

Ai ka cituar një dëshmitar të ketë thënë se Rugova kishte deklaruar që “UÇK-ja është lojë serbe”.

“Kemi dëgjuar një dëshmitar të thoshte që i kujtohet që Rugova është cituar të thoshte që UÇK-ja ishte një lojë serbe”, ka thënë Ellis.

Por, diplomati austriak Jan Kickert i cili po e vazhdon dëshminë edhe të mërkurën në Hagë, ka deklaruar se nuk i kujtohet një gjë e tillë.

Avokati Ellis, i cili po vazhdon ta marrë në pyetje Kickert, u fokusua tek takimet që kishte pasur diplomati me Jakup Krasniqin.