Politologu, Avdi Smajljaj ka reaguar pas raportimit të Gazetës Nacionale për punësimin e Asamblistit të VV-së në Iber-Lepenc.

Smajljaj përmes një postimi në Facebook, ka thënë se nepotizmi tanimë është në nivelin e shfrenuar.

“Çka kanë të përbashkët Ibri dhe Lepenci me Mikun dhe Dhandrrin? Nepotizëm tanimë në nivelin e shfrenuar.” – ka shkruar Smajljaj.

Gazeta Nacionale gjatë ditës ka raportuar se asamblisti i VV-së në Malishevë, Veton Zogaj në fillim të muajit prill, i kishte shkruar deputetit të VV-së Gani Krasniqi, që ky i fundit të fliste me kryeshefin e ndërmarrjes Iber-Lepenc, Faruk Muja që të pranohet në pozitën Shef i Shërbimit për Burime Njerëzore.

Deputetja e PDK-së, Eliza Hoxha ka reaguar pasi që ish-presidentja Atifete Jahjaga ka siguruar skanerin i cili iu dha sot QKUK-së, e të cilin e pranoi sot presidentja Vjosa Osmani.

Hoxha ka thënë se Osmani ka harruar me e përmend Jahjagën e me falënderu për kontributin dhe pse ishin së bashku kur u pre shiriti, duke thënë se kjo është mungesë respekti.

“Një ish presidente dhe një presidente e Kosovës. E para e kishte siguruar pajisjen PET scan e dyta po e pranonte sot si presidente. E dyta "kishte" harruar me përmend të parën e me falenderu për kontribut edhe pse ishin së bashku kur u pre shiriti. Kjo përveç një gjest vogëlsie nga presidentja aktuale zonja Osmani, flet për mungesë respekti institucional e pastaj edhe gjinor. .” – ka shkruar Hoxha.

Hoxha tutje ka thënë se gratë në paqe dhe siguri duhet me u përkrah brenda dhe jo vec jashtë apo vetëm kur janë të pafuqishme apo viktima.

“Gratë në paqe dhe siguri duhet me u përkrahë brenda edhe të njëjtit nivel presidente, jo veç jashtë Kosovës dhe jo veç kur janë të pafuqishme apo viktima. E ndërsa përkushtimi i vazhdueshëm ndaj publikes edhe kur nuk je në pushtet flet për dashni e konsistencë të zonjës Jahjaga.” – ka përfunduar Hoxha.

Komandanti i FSK-së Gjenerallejtënant, Bashkim Jashari mori pjesë në takim virtual të Grupit të

Jashari edhe një herë ka shprehur gatishmërinë e FSK-së për mbështetje të Ukrainës në përballje me agresionin rus.

Sipas njoftimit, takimi u fokusua në vazhdimin e asistencës ushtarake për forcat e armatosura të Ukrainës.

“Shtetet anëtare të Grupit të Kontaktit për Mbrojtjen e Ukrainës në mesin e të cilave edhe Kosova, rikonfirmuan mbështetjen e pakusht për Ukrainën që po vazhdon të përballet me luftën kundër agresionit rus.” – thuhet në njoftim.

Sekretarja e përgjithshme e Partisë Demokratike të Kosovës, Vlora Çitaku ka reaguar pasi që ish-presidentja Atifete Jahjaga ka bërë sigurimin e skanerit e sofistikuar që iu dha sot QKUK-së.

Çitaku ka shkruar se Jahjaga e mishëron frymën e shërbyesit publik e cila / i cili e don vendin e vet, pavarësisht pushtetit.

Duke shtuar se Jahjaga e don vendin edhe kur është në pushtet edhe kur nuk është në pushtet sepse shëbimi ndaj vendit nuk është pozitë, por mision.

“Presidentja Jahjaga mishëron frymën e shërbyesit publik e cila / i cili e don vendin e vet, pavarësisht pushtetit. E don edhe kur është në pushtet, edhe kur nuk është në pushtet. Sepse shërbimi ndaj vendit nuk është pozitë, por është mision.” – ka shkruar Çitaku.

Ajo tutje ka thënë se përkundër goditjeve të ulta, Jahjaga asnjëherë nuk është bërë pjesë e betejave të imta.

“Përkundër goditjeve të ulta, Presidentja Jahjaga asnjëherë nuk është bërë pjesë e betejave të imta. Përkundrazi, ka qenë gjithmonë përbashkuese. Falemnderit Presidente Jahjaga që vazhdon të jesh shembull i dashurisë pa kushte për Kosovën.” – ka shkruar Çitaku.

Deputeti i Lëvizjes Vetëvendosjes, Gramos Agusholli ka thënë se nuk do të ndryshoj aspak qëndrim sa i përket votës së tij rreth lejimit e bashkëjetesës për personat e gjinisë së njëjtë.

Agusholli e ka mohuar kategorikisht, duke thënë se nuk ka me ndryshu absolut qëndrim.

“Jo, jo jo…., nuk ka me ndryshu absolut qëndrim. Unë flas për vete, nuk kam ndryshuar asnjë qëndrim. Qëndrimi ka me qenë i njëjtë.” – ka thënë ai për Front Online.

Ndër të tjera, Agusholli ka deklaruar se nuk do të ndryshoj qëndrim edhe nëse kryeministri Albin Kurti, i cili është edhe shef i subjektit ku ai është deputet i bën trysni rreth kësaj çështje.

“Ai mundet ndonjë trysni me pas, por nuk ka me ndiku me trysni tek unë. Unë mendoj përtej trysnisë, përtej partisë e para se gjithave, mendoj për popullin, kur janë këto çështje në pyetje”. - deklaron ai.

Agusholli më tej shton se nuk ndryshon fare qëndrim edhe nëse vota e tij për këtë çështje do të vendoste që ai të jetë apo jo kandidat për deputet në zgjedhjet e reja.

“Nuk e kam atë problem hiç, përderisa unë i kam qëndrimet e mia edhe nëse kjo ka me kushtuar që mos me u kandidu unë për deputet, ka me mbajt qëndrimin tim.” – ka përfunduar deputeti i VV-së.

Deklarata e Agusholli erdhi pasi që kryeministri i Kosovës, Albin Kurti nga Gjermania ka folur për këtë çështje, duke thënë se se do të merret personalisht për ti siguruar votat për këtë çështje dhe se është caktuar edhe vendimi për mbledhjen e Qeverisë.

Analisti Imer Mushkolaj ka thënë se skanerin e sofistikuar që iu dha sot QKUK-së, e ka siguruar ish- presidentja Atifete Jahjaga përmes fondacionit të saj.

Ai ka thënë se presidentja Vjosa Osmani s’e ka përmendur fare ish-presidenten në postimet e saj në Facebook.

“Ta kemi të qartë: skanerin e sofistikuar, i cili sot iu dhurua QKUK'së, e ka siguruar presidentja Atifete Jahjaga nëpërmjet fondacionit të saj. Shumë po më intereson a e ka falënderu presidentja Vjosa Osmani Jahjagën, me emër dhe mbiemër dhe duke e shiku n'sy, për këtë donacion? Në postimin në Facebook nuk e kish përmend hiç.” – ka shkruar ai.

Ndryshe, Osmani dhe Jahjaga u panë bashkë sot në ceremoninë e dhurimit të këtij skaneri.

Komuna e Ferizajt ka shpallur gjendje emergjente për grumbullimin dhe bartjen e mbeturinave.

Sipas njoftimit të komunës kjo ka ardhur si pasojë e “grevës së paligjshme dhe të pakuptimtë të një pjesë të departamentit operativ përkatësisht shoferëve të kategorisë C në KRM Pastërtia.”

Nga Komuna e Ferizajt, e kanë cilësuar si të jashtëligjshme këtë grevë, duke thënë se në bazë të legjislacionit në fuqi ku bëjnë pjesë këto shërbime, sikurse edhe shërbimet emergjente, të sigurisë etj, greva e punonjësve të pastrimit – mirëmbajtjes është e ndaluar me Ligjin për Grevën.

“Shpallet Gjendje Emergjente për grumbullimin dhe bartjen e mbeturinave në territorin e Komunës së Ferizajt. SQARIM PUBLIK në lidhje me gjendjen e krijuar ditëve të fundit me grumbullimin dhe bartjen e mbeturinave në territorin e Komunës së Ferizajt, si pasojë e grevës së paligjshme dhe të pakuptimtë të një pjesë të departamentit operativ përkatësisht shoferëve të kategorisë C në KRM Pastërtia.”

“E jashtëligjshme është kjo grevë, sepse si e tillë, në bazë të legjislacionit në fuqi ku bëjnë pjesë këto shërbime, sikurse edhe shërbimet emergjente, të sigurisë etj, greva e punonjësve të pastrimit – mirëmbajtjes është e NDALUAR me Ligjin për Grevën. Pra, kemi të bëjmë më një veprim të paligjshëm dhe që rrezikon në masë shëndetin publik.” – thuhet në njoftim.

Ndër të tjera, nga Komuna e Ferizajt e kanë quajtur edhe të pakuptimtë, të paarsyeshme dhe të paqëndrueshme grevë, duke thënë se krejt kjo është me kauzën e rrejshme të ngritjes së pagave, ngaqë e vërteta është krejtësisht tjetër.

“E pakuptimtë, e paarsyeshme dhe e paqëndrueshme është kjo grevë, me kauzën e rrejshme të ngritjes së pagave, ngaqë e vërteta është krejtësisht tjetër. Në vazhdimësi Kompania “Pastërtia” bazuar në rritjen e të hyrave të saj, ka bërë edhe rritjen e pagave të punonjësve të pastrimit. Pra, duke u rritur të hyrat e kompanisë, janë rritur edhe të hyrat e punonjësve të saj, përfshirë pagesën për shujtën e punonjësve, andaj kjo grevë shpërfaqë paarsyeshmërinë e plotë në pikëpamje të kauzës që përfaqëson.” – thuhet në njoftim.

Nga komuna kanë dhënë detaje edhe në lidhje me pagat që punëtoret e KRM “Pastërtia” marrin.

“Sa i përket pagave, më lejoni t’ju njoftoj se aktualisht paga minimale e punëtorit fizik në KRM Pastërtia është 450€ neto deri në 580€ neto – varësisht nga angazhimi, gjersa për shoferët paga minimale në KRM Pastërtia është 490€ neto deri në 610€ neto varësisht nga angazhimi, rritje page e vazhdueshme kjo që e kemi premtuar dhe po e përmbushim, bazuar në performancën e kompanisë.”

“Shto kësaj, edhe sa i përket kushteve të punës, që janë përmendur në disa raste nga nxitësit e grevës, më lejoni të njoftoj bashkëqytetarët ferizajas, se Kompania Pastërtia, vazhdueshëm ka investuar e po investon në përmirësimin e kushteve të punës së punonjësve të saj, veçanërisht punonjësve të departamentit operativ.” – kanë thesuar nga komuna.

“Duke gjykuar se këto veprime të paligjshme dhe të pakuptimta, të thirrura rrejshëm në emër të grevës dhe kauzës së rrejshme që përfaqësojnë, kanë për pasojë rrezikimin e shëndetit publik, duke parë gjendjen e mos grumbullimit të mbeturinave në territorin e Ferizajt, Komuna e Ferizajt, përkatësisht Kryetari i Komunës, sot ka marr vendim për shpalljen e gjendjes emergjente për grumbullimin dhe bartjen e mbeturinave, përmes së cilës shpallet mobilizimi i gjithë mekanizmit komunal dhe akterëve tjerë relevant, që përfshijnë Kompaninë “Pastërtia” dhe mekanizmat tjerë të nevojshëm, që të eliminohet rreziku potencial për shëndetin e qytetarëve.”- thuhet ndër të tjera në njoftim.

Pas deklaratave të kryeministrit Kurti për votimin e Kodit Civil, gazetari Frankfurter Allegmeine Zeitung (FAZ), Michael Martens, ka treguar detaje të reja.

Gazetari Martens ka thënë se nëse Kurti do realizojë ato që ka thënë në Gjermani, i bie që Kodi Civil të miratohet gjatë muajit maj.

“Prapëseprapë, formalisht një shumicë e madhe e qytetarëve në Kosovë përkufizohen si myslimanë, dhe deri më tani (korrigjimet janë të mirëseardhura) asnjë vend me shumicë myslimane nuk u ka ofruar ndonjëherë qytetarëve të tij të drejtën e bashkimeve civile të të njëjtës gjini. Nëse Kurti i ndjek edhe njoftimet e tij, kjo do të ndryshojë muajin e ardhshëm”, ka shkruar Martens.

Policia e Kosovës gjatë një operacioni në ditën e sotme ka gjetur dy bunker dhe armë zjarri.

Përmes një komunikate për media, policia njofton se në operacionin “Baroni”, janë kontrolluar pesë shtëpi dhe një vilë në fshatin Makresh-Gjilan.

Gjatë operacionit, policia njofton se ka gjetur:

• 2 (dy) Bunkerë (vende të fshehta, të modifikuara në mënyrë shumë profesionale për fshehjen e gjërave ilegale),

• Armë automatike, një karikator dhe 31 fishekë,

• Armë zjarri, një karikator dhe 17 fishekë,

• Arme e gjuetisë, një karikator dhe 6 fishekë.

• Armë zjarri, një karikator dhe 7 fishekë,

Dy persona janë arrestuar në lidhje me rastin dhe janë dërguar në mbajtje për 48 orë, derisa një i dyshuar i tretë, ndodhet në arrati.

Presidentja e Kosovës, Vjosa Osmani, ka bërë me dije se në seancën e fundit të Këshillit të Sigurimit të OKB-së, e ka thënë të vërteten për krimet serbe në Kosovë.

Ajo ka deklaruar se e vërteta që ka prezantuar në adresimin e saj është e vërtetë që është që është konfirmuar nga raporte dhe gjykata ndërkombëtare.

“Ai ka bërë tërë një sëre deklaratash postraumatike. Ajo çfarë kemi bërë ne thjesht e kemi thënë të vërtetën vetëm të vërtetën para syve të botes dhe nuk mundet askush ta sulmoj apo ta mohoj e as Serbia. Të gjitha gjërat që kam thënë në seancë janë të gjitha të konfirmuara nga raportet ndërkombëtare dhe vendimet e gjykatave ndërkombëtare”, ka thënë Osmani, raporton EO.

Në mbledhjen e 22 prillit të Këshillit të Sigurimit, Osmani adresimin e saj ua ka kushtuar grave që kanë qenë viktima të veprimeve çnjerëzore të forcave serbe.

Në këtë mbledhje, Osmanin kishte me marrë me vete, Elhame Muçollin, Fahrije Hotin, Vasfije Krasniqin, dhe Shyhrete Tahirin.