Analisti Shenoll Muharremi ka komentuar deklarimin e Albin Kurtit rreth refuzimit të ftesës nga AAK për takim.

Ai ka i ka dhënë të drejtë AAK-së në këtë rast.

Në profilin e tij në Facebook, Muharremi ka shkruar se herën e kaluar e kishte fyer AAK-në, duke mos e ftuar fare në takim.

“Ja pafsh hajrin, se fajin e ke vet. As që e ke thirrur në takime Aleancën herën e kaluar. Ke treguar mosrespekt dhe je munduar me e poshtëru e me i paraqitur si të parëndësishëm, edhepse votat e AAK-së në disa kombinime e kishin ndihmu gjetjen e zgjidhjes herën e kaluar. Edhe pse, për korrektësi, Gjini nuk ka refuzu, por të ka dërgu letër i pari dhe ka tregu që e mbështet gjetjen e zgjidhjes dhe ndihmon gjatë votimit, me disa kërkesa që janë në interes të publikut e jo të tij apo të Aleancës. Mos vazhdo me u ba "Drama Queen" e me luajt lojën e viktimës, por bëhu konstruktiv dhe gjej zgjidhje.

Informacionet e reja nga intelegjenca e Izraelit që ka ndarë me ShBA-në, tregonin një plan të ri iranian për të vrarë Presidentin Trump, zbulim ky që riktheu tensionet në mes të ShBA-së dhe Iranit.

Irani për vite me radhë është zotuar hapur se do të hakmerret kundër Trump për vrasjen e Qassem Soleimani, i cili ishte një gjeneral i lartë në Trupat e Gardës Revolucionare Islamike, gjatë mandatit të parë të presidentit, ka raportuar Wall Street Journal.

Edh Turmp gjatë qendrimit në Ankara në kuadër të samitit të NATO-s, deklaroi se është target i regjimit Iranin.

“Ata duan ta eliminojnë udhëheqësin e SHBA-së—mua. Unë jam në çdo listë. E pashë këtë mëngjes, jam në secilën prej listave të tyre. Dhe deri më tani, mendoj se kam qenë pak me fat, por kjo ndoshta nuk zgjat shumë”, tha Trump.

Ndërsa pjesëmarrësit në funeralin e udhëheqësit suprem të vrarë iranian, Ali Khamenei, kënduan për vdekjen e Trump, me pjesëmarrësit që zbuluan një banderolë ku shkruhej "Ne do ta vrasim Trumpin".

Lideri i VV-së, Albin Kurti, ka komentuar refuzimin e ftesës për takim nga kryatri i AAK-së, Ardian Gjini.

Pas takimit me kryetarin e PDK-së, Bedri Hamza, Kurti ka vlerësuar se nuk është në rregull që AAK-ja ta refuzon takimin me të.

“Kur i mblodha numrat, s’thashë edhe plus 7 sepse kryetari i AAK-së nuk e ka konsideruar të arsyeshme e të nevojshme që të takohet me mua. Besoj që është e rëndësishme të takohet me mua, VV ka fituar zgjedhjet. Edhe nëse s’jemi bashkë në qeveri, do të jemi bashkë në institucione. Nuk është në rregull që një parti parlamentare si AAK-ja të refuzojë takimin me mua si kryeministër dhe kryetar i partisë fituese”, ka thënë Kurti.

Aeroporti i Tiranës “Nënë Tereza” vazhdon të jetë më i frekuentuari dhe dominuesi në Ballkanin Perendimor, ndërsa Aeroporti i Prishtinës ka shënuar rënie prej 4 për qind të fluksit të udhëtarëve.

Sipas Këshillit Ndërkombëtar të Aeroporteve (ACI), Aeroporti i Tiranës vazhdon të dominojë me rritje të fluksit të pasagjerëve.

Sipas të dhënave të publikuara nga “ACI Europe”, Aeroporti “Nënë Tereza” në Tiranë ka shënuar rritje prej 26 për qind krahasuar me të njëjtën periudhë të vitit 2025.

Ndërkohë, Aeroporti i Prishtinës ka pësuar rënie prej 4 për qind.

Aeroporti “Nënë Tereza” po bëhet gjithnjë e më i frekuentuar dhe më atraktiv për qytetarët, jo vetëm nga Shqipëria, por edhe nga vendet fqinje.

Lideri i VV-së, Albin Kurti, është deklaruar pas takimit me kryetarin e PDK-së, Bedri Hamzën, duke theksuar se nga ky takim nuk ka ndonjë të arritur konkrete që vlen të bëhet publike.

Kurti e ka falënderuar Hamzën pas takimit, ndërsa ka thënë se nuk ka ndonjë rezultat konkret që duhet të theksohet.

“Aktualisht nuk mund të them se kemi ndonjë rezultat konkret, ndonjë të arritur që do të mund ta ndaj me publikun”, tha Kurti.

“Me kryetarin Hamza jam takuar dy herë gjatë dimrit sivjet, nuk jemi takuar asnjëherë në pranverë. Ky është takimi i parë këtë verë dhe uroj që fryma e konstruktivitetit të mbizotërojë edhe në vijim”, u deklarua tutje Kurti.

Kryetari i PDK-së, Bedri Hamza, ka dalë nga takimi me liderin e VV-së.

"PDK-ja në këto zgjedhje ka garuar me një program me parime që kanë të bëjnë me fushën e ekonomisë, mirëqenies sociale, duke përfshirë rritjen e pagave, pensioneve dhe të gjitha pagesave të tjera, si dhe me projekte në energji e infrastrukturë. Ky ka qenë prioriteti ynë, se si ta përmirësojmë jetën e qytetarëve të Kosovës", tha Hamza.

"Bazuar në bisedat që kemi pasur, normalisht korrekte, qëndrimi ynë është të qëndrojmë në opozitë në këtë mandat", tha Hamza.

Lideri i VV-së, Albin Kurti, dhe Bedri Hamza i PDK-së tashmë kanë filluar takimin në ambientet e Kuvendit të Kosovës, ku, siç është raportuar, do të bisedohet për krijimin e institucioneve.

Kurti, para takimit, tha se pret konstruktivitet nga ky takim.

“Presim që takimi të jetë konstruktiv dhe t’i konstituojmë institucionet”, ka thënë Kurti.

Kurti ka qenë i shoqëruar nga ministri në detyrë i Financave, Hekuran Murati.

Ndërsa Hamza, edhe pse tha se nuk ka vija të kuqe me asnjë lider, ishte i qartë, duke thënë se nuk ka garuar për të marrë poste ministrore.

Kështu ai e bëri të qartë se nuk do pranonte poste qeveritare në shkëmbim të votave për President.

“Qëllimi jonë është i qartë. Konsistenca është prezentë. S’kemi vija të kuqe, jam i gatshëm me bisedu me secilin lider politik. Ne kemi garu me program, s’kemi garu me i pasë pesë ministra në këtë pozicion a në atë pozicion. Kemi garu me i rritë pagat e pensionet, me pasë ambient të mirë për bizneset, me pasë partneritet me aleatët, më i trajtu si partner, dhe shumë prioritete të tjera”, ka thënë Hamza

Ai gjithashtu shtoi se po shkon në këtë takim si përgjigje ndaj ftesës së Kurtit, pa paragjykim.

“I jemi përgjigjur ftesës, pa paragjyku. Uroj që me pasë sukses dhe progres, vendi me pas institucione e stabilitet institucional, progres e përparim”, ka thënë tutje Hamza.

Lider i VV-së, Albin Kurti, ka arritur në ndërtesën e Kuvendit të Republikës së Kosovës për takimin me kreun e PDK-së, Bedri Hamza.

“Presim që takimi të jetë konstruktiv dhe t’i konstituojmë institucionet”, ka thënë Kurti.

Bedri Hamza i PDK-së ka shkuar në Kuvend, ku pritet të takohet me liderin e VV-së, Albin Kurti, për të bisdeuar për krijimin e instuticionëve, me ftesën e këtij të fundit.

Hamza para takimit u shpreh se s'kanë vija të kuqe me asnjë lider politik.

“Qëllimi jonë është i qartë. Konsistenca është prezentë. S’kemi vija të kuqe, jam i gatshëm me bisedu me secilin lider politik. Ne kemi garu me program, s’kemi garu me i pasë pesë ministra në këtë pozicion a në atë pozicion. Kemi garu me i rritë pagat e pensionet, me pasë ambient të mirë për bizneset, me pasë partneritet me aleatët, më i trajtu si partner, dhe shumë prioritete të tjera”, ka thënë Hamza

Kryeministri në detyrë, Albin Kurti, iu është kthyer sërish opozitës, pasi në zgjedhjet e kaluara dështoi të bënte kompromis për çështjen e Presidentit.

Kurti, tashmë si fitues i zgjedhjeve, i takon e drejta për formimin e Qeverisë, ndërsa ka ftuar në takim liderët e ish-opozitës parlamentare, pasi për të zgjedhur Presidentin i duhen së paku 80 vota.

Kurti, me 53 mandate të fituara dhe së bashku me partitë jo-serbe, mund ta krijojë i vetëm Qeverinë, mirëpo kur bëhet fjalë për Presidentin, i duhet një partner nga partitë ish-opozitare.

Kurti i ka ftuar në takim të enjten, ditën kur ka filluar numërimi së prapthi për krijimin e institucioneve, pasi, siç thotë Kushtetuta, Kuvendi duhet të formohet më së largu 30 ditë nga shpallja zyrtare e zgjedhjeve.

Bedri Hamza i PDK-së, tha se është i gatshëm për takim me Kurtin në orën 09:00, por jo në ndërtesën e Qeverisë. Takimi, sipas tij, duhet të ndodhë në ambientet e Kuvendit të Kosovës.

Edhe lideri i LDK-së ka konfirmuar takimin me Kurtin sot në orën 18:00.

Abdixhiku, pas mbledhjes së Kryesisë së LDK-së, tha se LDK-ja mbetet e gatshme të kontribuojë në formimin e institucioneve të reja.

"Sot kam pasur një letër, ftesë për takim me Kurtin, në formatin një plus një... dhe do t'i përgjigjem pozitivisht kësaj ftese. Le të jetë takimi i parë", deklaroi ai.

Ndërsa Aleanca e Gjinit nuk ka pranuar të takohet me Kurtin.

Gjini ka publikuar përgjigjen e tij për Kurtin, duke shkruar se Aleanca i ka gjashtë kushtet e saj të 26 qershorit, dhe se rrjedhimisht nuk e sheh të nevojshme takimin.

“Për hir të transparencës ndaj qytetarëve, po e ndaj me ju përgjigjen zyrtare të Aleancës që sapo i është nisur Kryetarit të Lëvizjes Vetëvendosje, z. Albin Kurti. Qëndrimi ynë mbetet ai i datës 26 qershor, i qartë, parimor dhe tërësisht publik,” tha ai.

Por ende nuk dihet se çfarë "oferte" do t'u bëjë Kurti Hamzës dhe Lumirit për t'i bindur që të qëndrojnë në sallë për zgjedhjen e Presidentit.

Të mërkurën, Komisioni Qendror i Zgjedhjeve ka certifikuar rezultatet e zgjedhjeve të 7 qershorit.

Sipas këtyre rezultateve, Lëvizja Vetëvendosje ka dalë partia e parë me 47.13 për qind të votave, Partia Demokratike e Kosovës ka marrë 19.44 për qind të votave, Lidhja Demokratike e Kosovës ka fituar 16.69 për qind të votave, Aleanca për Ardhmërinë e Kosovës ka siguruar 6.74 për qind të votave dhe shtatë mandate, ndërsa Lista Serbe ka fituar 5.40 për qind të votave.

Duhet theksuar se afati kushtetues prej 30 ditësh për konstituimin e Kuvendit të Kosovës ka nisur zyrtarisht më 9 korrik 2026, një ditë pas certifikimit të rezultateve të zgjedhjeve të 7 qershorit nga Komisioni Qendror i Zgjedhjeve (KQZ).

Sipas Nenit 66 të Kushtetutës dhe interpretimeve të Gjykatës Kushtetuese, Kuvendi duhet të konstituohet brenda këtyre afateve.