Zyrtare: Robert Sanchez kalon nga Brighton te Chelsea

Chelsea ka konfirmuar ardhjen më të re. Bëhet fjalë për ish-portierin e Brighton, Robert Sanchez, me të cilin skuadra londineze sot ka nënshkruar kontratë afatgjate shtatëvjeçare, me çmimin prej 23 milionë euro plus shtesat që u paguan për shërbimet e tij te ‘Pulëbardhat’.

Chelsea ka nënshkruar me Sanchez nga Brighton në një përpjekje për të forcuar repartin e tyre të portierëve pasi pa Edouard Mendy të largohej këtë verë. Spanjolli ka nënshkruar një kontratë shtatëvjeçare në Stamford Bridge dhe do të synojë të luftojë me Kepa Arrizabalaga për numrin 1 në Stamford Bridge.

"Ne jemi shumë të kënaqur të mirëpresim Robertin në Chelsea dhe ai i shton më shumë cilësi në repartin tonë të portierëve," thanë drejtorët e tjerë sportivë Paul Winstanley dhe Laurence Stewart për faqen zyrtare të klubit. "Robert e ka dëshmuar vazhdimisht veten në Premierligë dhe është ftuar vazhdimisht nga vendi i tij. Ne jemi të emocionuar ta shikojmë atë të punojë me Mauricion dhe ekipin e tij të trajnerëve në sezonin që po na pret."

Sanchez është nënshkrimi i fundit i asaj që ka qenë një verë e ngarkuar për Chelsean. Portieri tashmë njeh Levi Colwill dhe Marc Cucurella që nga koha e tij te Brighton, ndërsa me Kepën ka punuar më parë edhe me kombëtaren e Spanjës.

Sanchez tani do t'i bashkohet Chelseat dhe do të përgatitet për fillimin e sezonit në Premierligë. Të kaltrit do të fillojnë sezonin e tyre në Stamford Bridge kundër Liverpoolit në fundjavën e hapëse të kampionatit.