Zyrtare: Real Madrid konfirmon datën se kur do të prezantohet Kylian Mbappe
Real Madridi ka konfirmuar se të martën e ardhshme do ta prezantojnë sulmuesin Kylian Mbappe.
“Los Blancos” e njoftuan afrimin e francezit javë më parë, megjithatë e shtynë prezantimin shkaku që përfaqësoi Francën në “Euro 2024”.
Mirëpo, me eliminimin nga Kampionati Evropian – Real Madridi ka informuar se pas gjashtë ditëve do ta prezantojnë para mijëra tifozëve në “Santiago Bernabeu”.
“Real Madrid njofton se të martën e ardhshme, 16 korrik, në ora 12:00, do të bëhet prezantimi i lojtarit tonë Kylian Mbappe në stadiumin Santiago Bernabeu”.
“Më herët, presidenti i Realit Florentino Perez do ta mirëpres Kylian Mbappen në ceremoninë që do ta konfirmojë atë si lojtari ynë për pesë vitet e ardhshme”, thuhet ndër të tjera në komunikatë.
Comunicado Oficial: presentación de Kylian Mbappé.#RealMadrid | #WelcomeMbappé
— Real Madrid C.F. (@realmadrid) July 10, 2024
Ndërkohë, Real Madridi është duke punuar edhe në prurjen e dy mbrojtësve Leny Yoro nga Lille, si dhe Alphonso Davies i Bayern Munichut.
