Zyrtare: Inzaghi vazhdon me Interin deri në vitin 2026
Tashmë edhe zyrtare, Simone Inzaghi, do të vazhdojë të jetë trajner i Interit të paktën deri në vitin 2026, pavarësisht ofertave të shumta.
Trajneri italian e mori detyrën në verën e vitit 2021 pasi Antonio Conte fitoi titullin kampion dhe u largua.
Në tre vjet, Inzaghi ka fituar tashmë gjashtë trofe me klubin, përkatësisht titullin e Serie A, dy edicione të Kupës së Italisë dhe tre Superkupa të njëpasnjëshme.
Presidenti Marotta e bëri të ditur lajmin në fillim të një konference për shtyp këtë pasdite, pak përpara stërvitjes parasezonale.
“Ka kaluar shumë pak kohë që nga fundi i një sezoni të mrekullueshëm ku fituam dy trofe të tjerë, Superkupën dhe titullin kampion. Sot ne fillojmë një rrugëtim të ri së bashku, fanella jonë do të jetë e stolisur me simbolin trengjyrësh dhe yllin e dytë. Bashkë me ne që drejton ekipin do të kemi sërish Simone Inzaghin. Dëshiroj të njoftoj zyrtarisht se raporti ynë do të vazhdojë deri në qershor 2026, me shpresën për të vazhduar edhe më shumë në të ardhmen.”
Simone Inzaghi 🤝 Inter 2️⃣0️⃣2️⃣6️⃣#ForzaInter #Inzaghi2026
— Inter ⭐⭐ (@Inter) July 12, 2024
Marotta u promovua në rolin e Presidentit pasi Suning dhe familja Zhang humbën kontrollin e Interit ndaj fondit të investimeve Oaktree, pasi nuk kishin shlyer një kredi.
“Oaktree menjëherë tregoi dëshirën e tyre për ta mbajtur klubin në krye të futbollit italian dhe evropian”, vazhdoi Marotta.
“Aksioneri ynë shumicë garantoi qëndrueshmëri dhe stabilitet në drejtimin e klubit dhe theksoi ruajtjen e konkurrueshmërisë maksimale të performancës sportive dhe vazhdimin e progresit drejt stabilitetit financiar. Kjo është garancia më e mirë për Interin dhe tifozët e tij të mrekullueshëm që mund të arrijë objektiva më të rëndësishëm.”
Për disa vite, Interi ka vetëfinancuar efektivisht strategjinë e tyre të transferimeve me shitje dhe duke sjellë lojtarë të lirë.
Kështu vazhdon këtë verë, ku ata tashmë kanë nënshkruar me Piotr Zielinski dhe Mehdi Taremi, të cilëve u skadoi kontrata përkatësisht nga Napoli dhe FC Porto.
