Zyrtare: Eden Hazard njofton pensionimin nga futbolli
Ish-ylli i Chelseat, Eden Hazard, ka njoftuar tërheqjen e tij nga futbolli profesionist në moshën 32-vjeçare.
Ish-anësori i Chelseat kishte qenë pa klub që kur u largua nga Real Madridi pas përfundimit të kontratës së tij këtë verë dhe shumë media raportuan në qershor se ai kishte menduar të pensionohej.
Hazard fitoi Premierligën, Ligën e Evropës dhe La Ligën gjatë karrierës së tij 16-vjeçare.
Hazard shkroi në Instagram: “Duhet të dëgjoni veten dhe të thoni ndaloni në kohën e duhur. Pas 16 vitesh dhe më shumë se 700 ndeshjeve të luajtura, kam vendosur t'i jap fund karrierës si futbollist profesionist. Kam qenë në gjendje të realizoj ëndrrën time, kam luajtur dhe jam argëtuar në shumë fusha në mbarë botën. Gjatë karrierës sime kam pasur fatin të takoj menaxherë, trajnerë dhe shokë të mëdhenj të skuadrës – faleminderit të gjithëve për këto kohë të mrekullueshme, do të më mungoni të gjithë. Një falënderim i veçantë për familjen time, miqtë e mi, këshilltarët e mi dhe njerëzit që më kanë qëndruar pranë në kohëra të mira dhe të këqija. Më në fund, një falenderim i madh për ju, fansat e mi, që më keni ndjekur për gjithë këto vite dhe për inkurajimin tuaj kudo ku kam luajtur. Tani është koha për të shijuar jetën me më të dashurit e mi dhe për të pasur përvoja të reja. Shihemi së shpejti jashtë fushës miqtë e mi.”
Eden Hazard pas një periudhe të suksesshme te Chelsea, nuk arriti ta gjente veten te Real Madridi, ku edhe për shkak të lëndimeve të shumta nuk pati mundësi të luante edhe aq shumë.
