Zhgënjen Manchester Unitedi, mposhtet nga Brightoni - NACIONALE
NACIONALE

Zhgënjen Manchester Unitedi, mposhtet nga Brightoni

2 vjet më parë

nga NACIONALE

Manchester Unitedi ka bërë hap fals që në xhiron e dytë të Premierligës, duke pësuar humbje 2:1 ndaj Brightonin në Amex Stadium, me Joao Pedron që shënoi në sekondat e fundit të ndeshjes.

Të dy skuadrat erdhën nga fitoret në ndeshjet e tyre hapëse, teksa tani Brightoni vazhdon me një fitore tjetër, e Manchester Unitedi zhgënjen.

Përballja në Amex Stadium ishte e zjarrtë, me shumë raste shënimi nga dy skuadrat, me vendasit që rrezikuan pak më shumë, ndonëse posedimi ishte te Djajtë e Kuq.

Goli i parë i takimit dhe i vetmi në 45 minutat e para u shënua nga Brighton, kur Welbeck e çoi topin në rrjetë për 1:0 në minutën e 32-të.

Manchester Unitedi u këndell në pjesën e dytë, duke barazuar me Amad Diallon në minutën e 60-të, me Nazraouin që asistoi.

Garnacho shënoi 10 minuta më vonë, por VAR ndërhyri për ta anuluar golin për pozitë jashtë loje.

Heroi i Brightonit ishte Joao Pedro, i cili në minutën e pestë shtesë shënoi për fitoren e madhe 2:1.

Brightoni tani ka gjashtë pikë nga dy ndeshje të zhvilluara, e Manchester Unitedi mbetet në kuotën e tre pikëve nga xhiroja e parë.

Tjera:

Lajme të ngjashme