Zbulohet numri që do ta mbajë Mbappe te Real Madridi

Raportohet se tashmë është vendosur që ylli francez, Kylian Mbappe, ta mbajë numrin 9 te Real Madridi, kur kalimi i tij në Spanjë të kompletohet, kjo për shkak se numri 7 tashmë i takon Vinicius Junior.

Francezi fitues i Kupës së Botës pritet të shkojë në Santiago Bernabeu këtë verë pasi kontrata e tij me Paris Saint-Germain të përfundojë. Thuhet se tashmë është në fuqi një marrëveshje që do ta shohë Mbappe të bëhet një tjetër 'Galaktik' në Madrid.

Siç qëndrojnë gjërat, superylli 25-vjeçar ka bërë të tijin nr.7 te PSG. Ky numër mban një vend të veçantë në folklorin e futbollit – jo pak për shkak të lojtarëve si David Beckham dhe Cristiano Ronaldo – por Mbappe nuk do të jetë në gjendje ta marrë atë në Real.

Me yllin brazilian Vinicius që do të mbetet një nga lojtarët kyç të Mbretërve, Mbappe do të duhet të marrë një tjetër fanellë. Sipas AS, ai është duke u rreshtuar për të trashëguar fanellën nr.9 që ka mbetur bosh që kur Karim Benzema u largua në vitin 2023 dhe fillimisht u mor nga Ronaldo pas lëvizjes së tij në Madrid në vitin 2009, pasi Raul e kishte atëkohë numrin 7.

Ka ende një shans që Mbappe të marrë numrin 10, fanellën që ai shpesh vesh për Francën, me pyetjet nëse mesfushori kroat Luka Modric do të largohet si lojtar i lirë në fund të sezonit 2023-2024, duke parë moshën e tij dhe minutat jo shumë të mëdha në dispozicion në këtë sezon.