Ylli i Napolit krahasohet me Messin e Neymarin falë statistikave mahnitëse
Sulmuesi i Napolit, Khvicha Kvaratskhelia, po kalon në një formë fantastike, ku vetëm pesë futbollist në pesë ligat më të forta evropiane qëndrojnë më mirë se ai në kontribut të golave (gola dhe asiste), dhe falë këtyre statistikave ka marrë krahasime me dyshen e PSG-së, Lionel Messin dhe Neymarin.
Lojtari i Gjeorgjisë ka qenë një nga lojtarët më të mirë në Itali deri më tani dhe padyshim nënshkrimi më i mirë i verës në Itali, pasi iu bashkua napolitanëve për vetëm 10 milionë euro në afatin kalimtar veror.
21-vjeçari ka kontribuar në 12 gola në të gjitha garat deri më tani këtë sezon, vetëm pesë lojtarë në ligat më të mira të Evropës kanë më shumë: Erling Haaland , Neymar , Robert Lewandowski , Leo Messi dhe Jamal Musiala.
Prodhimi i golave të Kvara është i ngjashëm me atë të Messit, pasi sulmuesi argjentinas ka kontribuar në 16 gola për PSG-në deri më tani këtë sezon.
Kvaratskhelia ka shënuar pesë gola në Serie A dhe dy në Ligë të Kampionëve, me golin e fundit që erdhi në fitoren 4-2 të Napolit ndaj Ajax të mërkurën.
Asnjë lojtar nuk ka kontribuar në më shumë gola se ylli i Manchester City, Haaland deri më tani këtë sezon. Norvegjezi ka shënuar 20 gola dhe ka dhënë tre asistime.
Kontributi i golave në pesë ligat më të mira evropiane
Haaland – 20 gola, tri asistime – në total 23 gola kontribut;
Neymar – 11 gola, nëntë asistime në total 20 gola kontribut;
Lewandowski – 14 gola, dy asistime në total 16 gola kontribut;
Messi – tetë gola, tetë asistime në total 16 gola kontribut;
Musiala - shtatë gola, shtatë asistime në total 14 gola kontribut;
Kvaratskhelia – shtatë gola, pesë asistime në total 12 gola kontribut.
Gjeorgjiani ishte pjesë e Rubin Kazanit në Rusi që nga viti 2019, por me pushtimin rus në Ukrainë, sulmuesi 21-vjeçar u largua në drejtim të vendlindjes, saktësisht në mars të këtij viti për tetë milionë euro në skuadrën Dinamo Batumi dhe pas katër muajve kaloi te skuadra e Luciano Spalletti.
