Ylli i Manchester Unitedit tregon për mësimet që mori nga Ronaldo
Mbrojtësi i Manchester Unitedit, Diogo Dalot, ka treguar për mësimet që ka marrë nga ylli i Portuglisë, Cristiano Ronaldo, duke e cilësuar si një mësues të përsosur për secilin futbollistë.
Sulmuesi legjendar portugez aktualisht ndodhet në Arabinë Saudite me Al Nassr, por më parë ka luajtur në dy periudha në Old Trafford. Ai gjithashtu ka luajtur për ekipin e tij kombëtar së bashku me Dalot, me mbi 200 paraqitje për vendin e tij. Dalot ka shfrytëzuar sa më shumë mundësitë për të mësuar nga një prej më të mirëve në botë, me një pjesë veçanërisht të dukshme këshillash që i është dhënë.
Mbrojtësi i gjithanshëm Dalot i ka thënë ESPN-së se si është të punosh me bashkatdhetarin legjendar Ronaldon: “Ai më ndihmoi shumë jashtë fushës, sido që të jetë rruga ai punon çdo ditë, mendoj se disiplina që ka pasur ai gjatë gjithë kësaj karriere më mësoi shumë mua. Ishte një gëzim për mua të luaja me të dhe të isha bashkëlojtar i tij. Ai më ndihmoi shumë. Do t'i mbaj disa gjëra për vete, por e përgjithshme [gjëja] është se disiplina e tij është ajo që më ka bërë më shumë përshtypje. Sepse ti mund të jesh i qëndrueshëm, por mund të jesh i qëndrueshëm në një mënyrë të keqe, dhe ai ishte i disiplinuar dhe i qëndrueshëm në një mënyrë të mirë. Kjo është ajo që kam mësuar më shumë prej tij.”
Dalot është bërë pjesë sërish e grupit të Unitedit nën drejtimin e Erik ten Hag, pas një huazimi në AC Milan, dhe ai dëshiron të shohë Djajtë e Kuq të konkurrojnë për çmimet më të mëdha në sezonin 2023-2024, pasi kanë sjellë në gjashtë vitet e fundit vetëm titullin Carabao Cup sezonin e kaluar.
