"Vinicius do ta fitojë" - Neymar insiston që ylli i Real Madridit e meriton Topin e Artë
Neymar Junior i ka qëndruar prapa bashkëvendasit të tij, Vinicius Junior, duke thënë se ylli i Real Madridit e meriton ta fitojë Topin e Artë 2024.
Disa lojtarë kryesorë janë në garë për të fituar çmimin prestigjioz më 28 tetor, megjithatë, Vinicius Junior dhe Rodri konsiderohen të jenë dy kryesorët. Ndërsa Vinicius luajti një rol të rëndësishëm në fitimin e titujve të La Ligës dhe Ligës së Kampionëve nga Mbretërit, Rodri ndihmoi Manchester Cityn të fitonte titullin e katërt radhazi në Premierligë dhe më pas luajti për Spanjën në Kampionat Evropian, ku ishte një nga kryesorët në triumfin e Furisë së Kuqe.
Më herët Ederson kishte zgjedhur Vinicius Jr në vend të kolegut të klubit Rodri për të fituar çmimin dhe tani legjenda e Brazilit Neymar ka treguar mbështetjen e tij ndaj bashkatdhetarit të tij pasi mendon se ylli i Realit e meriton të fitojë Topin e Artë këtë herë.
Sipas Mundo Deportivo, sulmuesi i Al Hilal tha: "Ai kishte një sezon të mrekullueshëm, ai luajti shumë ndeshje dhe unë do ta mbështes atë sepse ai patjetër do ta fitojë Topin e Artë. Shpresoj që ai të kthehet në Brazil së shpejti me trofeun, ai është një djalë që e meriton sepse është një luftëtar, ka vuajtur shumë gjatë gjithë jetës së tij, ka mundur të tejkalojë të gjitha pritjet, ka kapërcyer të gjitha kritikat që kanë qenë për të”.
24-vjeçari aktualisht është jashtë fushës për shkak të një dëmtimi në qafë që pësoi gjatë ndeshjes së fundit të Real Madridit në La Liga kundër Villarrealit. Mbetet për t'u parë nëse ai do të rifitojë formën e tij fizike para ndeshjes së radhës të klubit kundër Celta Vigos të shtunën.
