VIDEO: Albion Rrahmani shënon në debutimin e tij në Çeki, Sparta e Pragës fiton ndaj Hradec
Ashtu siç debutoi në Evropë me skuadrën e re, Spartën e Pragës, njëjtë ka bërë edhe në Çeki, sulmuesi kosovar, Albion Rrahmani.
Rrahmani që u transferua më 19 gusht nga Rapidi i Bukureshtit te Sparta e Pragës, ka shënuar golin e tij të parë në elitën e futbollit të Çekisë, në debutimin e tij në këtë ligë.
Ylli i Kombëtares së Kosovës e filloi me një asistim në golin e parë të shënuar nga Haraslin në minutën e tetë.
⚽ Sparta jde v Hradci Králové z prakticky první šance do vedení! Třetí gól sezony si připisuje Lukáš Haraslín. 👇 #chanceliga pic.twitter.com/qYhMLZuG6h
— O2 TV Sport (@O2TVSportCZ) August 31, 2024
Teksa në minutën e fundit të pjesës së parë ai tregoi aftësitë e tij fantastike, duke shënuar një gol të jashtëzakonshëm, për ta çuar skuadrën e tij në pushim me epërsi të dyfishtë. Ermal Krasniqi ishte në rolin e asistuesit tek ky gol.
⚽ Albion Rrahmani přidává ve své ligové premiéře k přihrávce i svůj první ligový gól! Na konci prvního poločasu se prosadil přesně mířenou střelou k tyči, Sparta vede v Hradci Králové 2:0. 👇 #chanceliga pic.twitter.com/RBR1eSAhvl
— O2 TV Sport (@O2TVSportCZ) August 31, 2024
Deri në përfundim të ndeshjes gola nuk pati, me Spartën e Pragës që mori fitoren e gjashtë në kampionat nga shtatë ndeshje.
Albion Rrahmani u zëvendësua në minutën e 50-të pasi u ankua për një lëndim, që shpresojmë mos ta pengojë për t'u paraqitur për Kosovën më 6 shtator.
