Vandalizohet shtëpia e Messit në Ibiza
Shtëpi e Lionel Messit në Ibiza është vandalizuar nga disa aktivistë të ndryshimeve klimatike, që ka çuar në reagimin e presidentit të Argjentinës, duke kërkuar nga autoritetet spanjolle të garantojnë sigurinë e qytetarëve argjentinas.
Një grup vandalësh hynë në pronën e Messit prej 11 milionë eurosh në ishullin spanjoll të martën dhe mbuluan muret me bojë kuq e zi.
Vandalët pozuan gjithashtu në kopsht duke mbajtur një pankartë të shkruar në anglisht ku shkruhej: "Ndihmoni planetin. Hani të pasurit. Shfuqizoni policinë".
Milei postoi në X: "Në Spanjë, komunistët që duan të "vrasin të pasurit dhe të shfuqizojnë policinë për t'i dhënë fund ndryshimeve klimatike" vandalizuan shtëpinë e Lionel Messit dhe familjes së tij. Solidarizohem me familjen Messi për këtë ngjarje frikacake dhe delirante dhe i kërkoj qeverisë së Pedro Sanchez të garantojë sigurinë e qytetarëve argjentinas që jetojnë në Mbretërinë e Spanjës. Komunizmi është një ideologji e nxitur nga zilia, urrejtja dhe pakënaqësia ndaj të suksesshmëve. Kjo mendësi nuk ka vend në botën e lirë dhe të qytetëruar."
En España, los comunistas que quieren "asesinar a los ricos y abolir la policía para terminar con el cambio climático" vandalizaron una casa de Lionel Messi y su familia.
— Javier Milei (@JMilei) August 6, 2024
Me solidarizo con la familia Messi por este cobarde y delirante suceso y le solicito al gobierno de Pedro…
Messi, i cili bleu shtëpinë ekskluzive në vitin 2022 pasi u largua nga Barcelona, nuk ishte në pronë në atë kohë, por e ka përdorur atë gjatë pushimeve në ishull.
Aktivistët thanë në një deklaratë se me këtë akt të "mosbindjes civile jo të dhunshme" donin të fajësonin të pasurit për krizën klimatike, duke raportuar gjithashtu mungesën e veprimit të qeverisë spanjolle.
Sipas aktivistëve, rezidenca e Messit është ndërtuar “ilegalisht”.
Sulmuesi i Inter Miami aktualisht po rikuperohet nga një dëmtim i kyçit të këmbës të pësuar gjatë Kupës së Amerikës së fundit.
