Valverde: Duhet të më vrasin për të më larguar nga Real Madridi
Mesfushori Fede Valverde ka bërë të ditur se për t'u larguar nga Real Madridi duhet "ta vrasin".
Uruguaiani është titullar i padiskutueshëm në formacionin bazë të Carlo Ancelottit, duke qenë një ndër mesfushorët më të mirë në botë.
Sidoqoftë, 24-vjeçari kërkohet nga disa top klube angleze që ka ndikuar të ketë spekulime mbi të ardhmen e tij.
Në dokumentarin e "Apple TV" i pyetur mbi të ardhmen, Valverde tha: "Për të më larguar nga Real Madridi, ata duhet të më vrasin mua".
Kjo është vetëm një deklaratë e programit që do të publikohet së shpejti, ku do të ketë pamje në zhveshtore të Carlo Ancelottit dhe lojtarëve gjatë suksesit të madh që arritën, si titulli i La Ligas dhe Ligës së Kampionëve në Paris.
Official Trailer — Real Madrid: Until The End
— Apple TV+ (@AppleTVPlus) February 28, 2023
Step onto the pitch and go behind the scenes with the iconic football club
for a look at their astonishing 2021–2022 season.
#RealMadridUntilTheEnd premieres March 10 on Apple TV+ pic.twitter.com/HEcfQEA7AR
Përndryshe, Real Madrid në Ligën e Kampionëve po shkëlqen edhe këtë edicion duke qenë një ndër favoritët kryesorë sidomos pas fitores 5:2 ndaj Liverpoolit në ndeshjen e parë në raundin e 16-të.
Ndeshja kthyese zhvillohet në "Santiago Bernabeu" të mërkurën me fillim nga ora 21:00.
