UEFA ia ndalon Barcelonës të shesë bileta për ndeshjen e radhës në Ligë të Kampionëve

Barcelona do ta ketë të ndaluar të shesë bileta për ndeshjen e radhës në Ligë të Kampionëve për shkak të thirrjeve naziste të tifozëve gjatë ndeshjes së parë të fazës së ligës ndaj Monacos.

Barcelona është gjobitur me 10,000 euro dhe është penguar t'u shesë bileta tifozëve mysafirë për ndeshjen e radhës në udhëtim në Ligën e Kampionëve kundër skuadrës serbe Crvena zvezda në nëntor. Një pjesë e tifozëve të Barcelonës zbuluan një pankartë në humbjen ndaj Monacos javën e kaluar ku shkruhej 'Flick heil', e cila ka konotacione naziste.

Dënimi u dha nga UEFA për shkak se Barcelona tashmë kishte një ndalim të pezulluar për sjelljen raciste të tifozëve gjatë ndeshjes së Ligës së Kampionëve kundër Paris Saint-Germain në prill. Klubi u akuzua për sjellje raciste, duke shkaktuar dëme dhe lëshimin e fishekzjarreve brenda Parkut të Princave, duke shkaktuar gjoba prej 32,000 eurove dhe një ndalim të pezulluar të shitjes së biletave.

“Klubi komunikon se do të respektojë dhe zbatojë këtë sanksion”, thuhet në një deklaratë në faqen e internetit të Barçës. “FC Barcelona do të kthejë koston e biletës për tifozët që e kanë blerë tashmë biletën. FC Barcelona refuzon çdo lloj justifikimi për dhunën dhe thirrjet tjera dhe siç tregohet në nenet 3 dhe 4 të Statutit, ata përpiqen të mbrojnë dhe promovojnë Deklaratën Universale të të Drejtave të Njeriut që gjendet në Ligjin Ndërkombëtar të të Drejtave të Njeriut të miratuar nga Kombet e Bashkuara”.

Pasi ka marrë tashmë sanksione për raste të ngjashme, Barcelona ka konfirmuar se do të forcojë masat aktuale dhe do të miratojë 'iniciativa të mëtejshme të përshtatshme' për të parandaluar dukuritë e ardhshme, duke aplikuar gjithashtu sanksione ndaj atyre që janë përgjegjës. UEFA gjithashtu i ka dhënë Barcelonës një pezullim të mëtejshëm, i cili do të hyjë në fuqi nëse ka ndonjë shkelje shtesë në 12 muajt e ardhshëm.