Trepça në finale, e eliminon lehtësisht Prishtinën
Trepça ka zhvilluar një tjetër paraqitje fantastike për ta eliminuar Prishtinën dhe njëkohësisht avancuar në finale.
Skuadra mitroviase padyshim ka skuadrën më të mirë në historinë e klubit, ndërsa ka regjistruar fitore bindëse 82:69 (21:19, 21:12, 18:18, 19:20).
Trepça e nisi për mrekulli duke e mbyllur çerekun e parë me pesë pikë epërsi (24:19), ndërsa vetëm e rriten ritmin në çerekun e dytë duke qenë plot nëntë pikë dallim 21:12.
Prishtina nisi të këndellet tejet vonë. Bardhëkaltërit filluan të zhvillojnë paraqitje të mirë vetëm në dy çerekët e fundit, por prapë nuk është që bënë përmbysjen.
Çereku i tretë ishte shumë i barabartë 18:18, ndërsa në të fundit Prishtina e mbylli me vetëm një pikë epërsi 19:20.
Më i dalluari te Trepça ishte Brandon Edwards me 20 pikë, ndihmuar nga Edge me 15 sosh, kurse te Prishtina u dalluan Clark e Armstead me nga 16 pikë. Fatkeqësisht ën këtë përballje dëshpëroi keq Dardan Berisha, me vetëm një pikë në 13 minuta sa luajti.
Kësisoj, Trepça shkon në finale të play-offit ku e pret fituesin e gjysmëfinales tjetër Golden Eagle Ylli – Peja.
