Trent Arnold thotë se diçka nuk po shkon me Liverpoolin
Mbrojtësi i Kombëtares angleze dhe Liverpoolit, Trent Alexander-Arnold, ka thënë se diçka nuk po shkon siç duhet me Liverpoolin, pas humbjes së dytë të pësuar radhazi në Premierligë.
Liverpool u mund 2-1 në shtëpi nga Leeds të shtunën, një javë pas humbjes tronditëse 1-0 nga Nottingham Forest.
Mbrojtësi Alexander-Arnold tha se të kuqtë ende kanë vetëbesim, por tha se pengesat "potencialisht të bëjnë të mendosh veten dhe të vësh në dyshim gjërat".
“Është e qartë se si ekip diçka nuk po shkon siç duhet”, tha ai për Liverpoolfc.com.
“Nuk po shkon ashtu siç duam të shkojë. Kjo është diçka për të cilën të gjithë duhet të mendojnë, që të gjithë duhet ta trajtojnë dhe të sigurohemi që ne ta rregullojmë atë, veçanërisht javën e ardhshme kundër Spurs, rivalët në katërshen e parë.
"Ne duhet të shkojmë atje dhe të marrim tri pikët nëse dëshirojmë t’i arrijmë synimet dhe aspiratat tona për sezonin."
Crysencio Summerville shënoi për një fitore dramatike të vonë në Anfield pasi Leeds fitoi për t'u larguar nga zona e rënies.
Humbja e ka lënë Liverpoolin tetë pikë larg katërshes së parë, me një lojë më pak, përpara se të vizitojë Tottenhamin e vendit të tretë në ligë të dielën e ardhshme.
Pas kësaj, ata kanë një ndeshje tjetër në Premierligë, në shtëpi me Southampton më 12 nëntor, përpara se gara të ndalet për pak më shumë se gjashtë javë për t'i hapur rrugën Kupës së Botës në Katar.
Skuadra e Jurgen Klopp ka fituar katër, ka barazuar dhe ka humbur katër deri më tani këtë sezon me 16 pikë. Në këtë fazë të sezonit të fundit, Liverpool kishte 25 pikë dhe kishte humbur vetëm një herë.
“Mendoj se nuk jemi në formën më të mirë, mendoj se shumë lojtarë do ta thoshin këtë për veten dhe si ekip në përgjithësi”, shtoi Alexander-Arnold, i cili u zëvendësua nga James Milner gjatë humbjes së Leeds.
"Unë mendoj se është e rëndësishme për ne që të rigrupohemi, të vlerësojmë se çfarë po shkon keq. Mendoj se tani, është një lloj "marrë sa më shumë pikë që mundemi deri të shkojmë në pushim. Dhe potencialisht ky pushim do të vijë në një kohë të mirë që ne të rivendosemi dhe të jemi në gjendje të marrim kokën drejt për të shkuar në gjysmën e dytë të sezonit."
