Trashëgimtarët e Maradonës e humbin betejën gjyqësore për Topin e Artë 1986
Një gjykatë franceze vendosi se ankandi i një çmimi të dhënë për të ndjerin Diego Maradona pas Kupës së Botës 1986 mund të vazhdohet ashtu siç ishte planifikuar, pavarësisht se trashëgimtarët e tij refuzuan një gjë të tillë.
Trashëgimtarët e Maradonës u përpoqën të ndalonin ankandin e Topit të Artë që ai mori si lojtari më i mirë i Botërorit 1986 duke nisur një procedurë urgjente gjyqësore. Avokati Gilles Moreu tha për AP se vendimi i gjykatës "nuk ishte i favorshëm për trashëgimtarët e Diego Maradona".
Trofeu do të dalë në ankand të enjten e ardhshme në Paris nga shtëpia e ankandeve Aguttes.
Topi i Artë mungonte për dekada pasi u zhduk në rrethana të pasigurta dhe vetëm së fundmi u rishfaq. Trashëgimtarët e Maradonës thonë se trofeu ishte vjedhur dhe pretenduan se pronari aktual nuk kishte të drejtë ta shiste atë.
Aguttes tha se trofeu u rishfaq në vitin 2016 mes gjërave të tjera që u blenë nga një koleksion privat në ankand në Paris.
Moreu tha se presidenti i gjykatës së Nanterre jashtë Parisit i konsideruar pronari aktual i trofeut, i identifikuar si z. Benchaieb, "duhet të konsiderohet se vepron në mirëbesim".
Benchaieb dhe Aguttes pretenduan se kur trofeu u ble vite më parë, ai nuk ishte në dijeni se ai ishte vjedhur.
Maradona e mori çmimin në vitin 1986 në një ceremoni në kabarenë Lido në Champs-Élysées. Më pas u zhduk, duke shkaktuar thashetheme.
Disa thonë se është humbur gjatë një loje pokeri ose është shitur për të shlyer borxhet. Të tjerë thonë se Maradona e ruajti atë në një kasafortë në një bankë të Napolit, e cila u grabit nga gangsterët vendas në vitin 1989, kur ai luajti në ligën italiane. Trashëgimtarët e Maradonës besojnë se është vjedhur nga banka.
Moreu shtoi se ai dhe klientët e tij ishin "të befasuar dhe të pikëlluar" nga vendimi.
"Ne synojmë të përdorim të gjitha mjetet e disponueshme të rekursit nga tani deri më 6 qershor," me qëllim për ta bërë të tyrin sërish tha ai.
Maradona, i cili vdiq në vitin 2020 në moshën 60-vjeçare, ishte kapiten i Argjentinës në fitoren 3:2 ndaj Gjermanisë Perëndimore në finalen e vitit 1986 në Mexico City. Në një fitore çerekfinale ndaj Anglisë ai shënoi golin "Dora e Zotit" dhe "Goli i Shekullit".
Aguttes tha se pret që trofeu "të marrë miliona për shkak të veçantisë së tij".
Ofertuesve do t'u kërkohet të bëjnë një depozitë prej 150,000 mijë euro (161,000 dollarë) për të marrë pjesë në ankand.
Goli 'Dora e Zotit' erdhi kur Maradona çoi topin në rrjetën e Anglisë duke shënuar me dorë.
Katër minuta më vonë, ai kaloi mesfushën dhe mbrojtjen e Anglisë e pastaj kaloi edhe portierin Peter Shilton për atë që FIFA më vonë e shpalli golin më të mirë në historinë e Kupës së Botës, apo siç njihet ndryshe 'Goli i Shekullit'.
