Trajneri i ri i Tottenhamit? Vincent Kompany thyen heshtjen dhe komenton të ardhmen
Mbrojtësi Vincent Kompany thotë se është i fokusuar vetëm te Burnley pas spekulimeve që është favoriti për ta zëvendësuar Antonio Conten te Tottenham.
Ish mbrojtësi i Manchester Cityt është momentalisht në kreun e Burnley dhe i ka ndihmuar të promovohen në Premierligë.
Sidoqoftë, me shkarkimin e Contes - Tottenhami e ka bërë prioritet teknikun belg shkaku i stilit të lojës që i ka ndihmuar Burnley ta fitojë titullin e Championshipit.
I pyetur për spekulimet që e lidhin me Spurs dhe nëse është i lumtur te Burnley, Kompany tha: "Nuk dua të përgjigjem lidhur me të ardhmen".
"Jam i fokusuar te Reading, pastaj për ndeshjet e radhës. E di pyetjen por çfarë mund të them? A të them se nuk jam i lumtur?".
"Jemi 14 pikë para në kreun e Champinshipt, prandaj jemi shumë në rregull. Çelësi kryesor është që të jemi gjithnjë të lumtur, asnjëherë i kënaqur", deklaroi ai.
🗣️ “I don’t waste answers on my future. Crack on, I’m focusing on Reading and the next games.”
— Football Daily (@footballdaily) April 13, 2023
Vincent Kompany says he has no interest in discussing his future following links to Tottenham. 🇧🇪🔐 pic.twitter.com/fjvVuzHtBd
Kompany ka fituar katër herë titullin e Premierligës, katër Carabao Cup dhe dy FA Cup në karrierën si futbollist.
Kujtojmë, Pep Guardiola kishte deklaruar se Kompany herët apo vonë do të bëhej trajner i Manchester Cityt në të ardhmen.
