Trajneri i Argjentinës flet për raportet e 'tensionuara' me Messin

Muajin e fundit, trajneri i Argjentinës, Lionel Scaloni, kishte thënë se është duke menduar largimin nga pozita e trajnerit të kombëtares, por tash ai ka dhënë një përditësim të ri rreth situatës, duke folur edhe për tensionet me Lionel Messin.

Në përgjigje të raportimeve se ai ishte i pakënaqur me fituesin e tetë herë të Topit të Artë pas akteve të tij të fundit në Brazil, trajneri i Argjentinës ka pranuar se ai e ka trajtuar të ardhmen e tij me Lionel Messin. Athletic raportoi se veprimet e Messit mund të kenë kontribuar në komentet e menaxherit në konferencën e tij për shtyp pas lojës dhe se Scaloni dhe stafi i tij stërvitor ishin "të shqetësuar" që Messi nuk i kishte kontaktuar ata.

Duke folur përpara shortit të fazës së grupeve të Kupës së Amerikës 2024 përmes AlbicelesteTalk në X, Scaloni tha: “Unë jam këtu sepse jam ende trajner, por ende jam duke menduar për vendimin tim. Unë thashë pas ndeshjes së Brazilit se është një moment për të menduar dhe unë jam ende duke e menduar të ardhmen. Unë jam duke menduar me qetësi se si shkon gjithçka, nëse do të rifilloj apo çfarë. Lojtarët po bëjnë shumë mirë dhe kanë nevojë për një trajner me gjithë dëshirën dhe energjinë, në nivelin e tyre. Marrëdhënia me presidentin Tapia ka qenë gjithmonë perfekte. Është e gjitha ekskluzivisht e imja dhe e stafit stërvitor, duhet të mendojmë për më të mirën për Kombëtaren. Kam folur me Messin pas ndeshjes së Brazilit, ai është kapiten dhe kam një marrëdhënie të shkëlqyer me të. Unë gjithashtu fola me Tapian dhe jemi në marrëdhënie të mira si gjithmonë.”

Scaloni kishte marrë drejtimin e Argjentinës pasi e kishin shkarkuar Jorge Sampaolin pas eliminimit të tyre në raundin e 1/8 së finales në Kupën e Botës 2018. Ai më pas u emërua si trajner me kohë të plotë me Albiceleste pas përfundimit të tyre në vendin e tretë në Kupë të Amerikës 2019.

Argjentinasi do të jetë padyshim trajneri i skuadrës në edicionin e vitit të ardhshëm të Kupës së Amerikës që zhvillohet në Shtetet e Bashkuara. E ardhmja e tij përtej asaj pike është ende në 'ajër'.