Tifozët e Interit për Cuadradon: Ke bërë gjithçka që të jesh i urryer, tani është në dorën tënde ta bësh të kundërtën

Tifozët e flaktë të Interit janë të gatshëm ta presin ish-anësorin e Juventusit, Juan Cuadradon, por e paralajmërojnë atë se duhet të ndryshojë diçka, pasi e ka bërë vetën të urrehet nga të gjithë te zikaltrit gjatë qëndrimit te zonja e vjetër.

Kolumbiani është duke kaluar testet mjekësore me zikaltrit përpara se të nënshkruajë një kontratë njëvjeçare.

Ultrasit e Interit protestuan për nënshkrimin e tij të hënën në mbrëmje, duke kërkuar një takim me ish-anësorin e Juventusit.

Ata tani duken të gatshëm të lënë pas të kaluarën, por mirëpritën Cuadrado në klub me një flamur të mërkurën. Aty shkruhej: “Deri më sot, ju keni bërë gjithçka për ta bërë veten të urryer. Nëse dëshironi diçka tjetër, ju takon ta vërtetoni vetë atë.”

Gjatë periudhës së tij tetë vjeçare në Juventus, Cuadrado shpesh zemëroi tifozët e Interit dhe e mbylli ndeshjen e tij të fundit kundër zikaltërve në Torino me një karton të kuq, madje duke grushtuar legjendën Samir Handanovic, tashmë të larguar.

Momentalisht kolumbiani gjendet në CONI për ekzaminimet mjekësore dhe pasi të përfundojnë këto procedura do të jetë i gatshëm për të nënshkruar për Interin, rivalin e përjetshëm të Juventusit.