Thierry Henry e pranon: Ekstremisht vështirë që Arsenali të shpallet kampion i Anglisë
Legjenda e Arsenalit Thierry Henry beson se titulli i Premierligës për skuadrën londineze do të marrë fund po ta humbasin vetëm edhe një përballje.
“Topçinjët” do të kërkojnë vetëm pikët e plota ndaj Chelseas për t’i dhënë fund serisë prej tre ndeshjeve pa fitore, mirëpo një gjë e tillë nuk do të jetë aspak e lehtë.
Henry për “CBS Sports” e ka këshilluar trajnerin Mikel Arteta të jetë më i kujdesshëm nëse dëshiron ta vazhdojë garën për titull.
“Tani, s’janë duke luftuar për titull. Kur i sheh rezultatet nuk janë të mirë mjaftueshëm për të qenë në krye, edhe pse është ende shumë herët”.
“Të shohim se çfarë do të ndodhë ndaj Chelseas. Për të qenë i sinqertë, nuk e di çfarë do të bëjmë. Aktualisht nuk e di si do të shkojmë”.
“Titulli kampion? Ekstremisht vështirë. Ka shumë skuadra për t’i kapur. Një skuadër mund të ketë probleme, por janë dy. Po luftojmë me Liverpoolin dhe Manchester Cityn, nuk i shoh se si mund të ndalën. Ky është problemi im”, deklaroi ai.
"I think it will be extremely difficult..." 😳@carra23 asks Thierry Henry if he thinks the title is still in reach for Arsenal 👇 pic.twitter.com/YszC9PN98b
— CBS Sports Golazo ⚽️ (@CBSSportsGolazo) November 6, 2024
Përballja mes Chelseas e Arsenalit zhvillohet të dielën me fillim nga ora 17:30.
