The Athletic: Barcelona e PSG-ja e donin, por De Ligt ishte i bindur për Man Unitedin
Mediumi i besueshëm britanik “The Athletic” ka zbuluar si Barcelona e PSG e donin afrimin e mbrojtësit Matthijs de Ligt, por ky i fundit kishte vendosur për Manchester Unitedin.
Holandezi kaloi te “Djajtë e Kuq” në një marrëveshje për 50 milionë euro, pasi s’ishte në planet e gjigantit gjerman, pavarësisht ardhjes së Vincente Kompany.
De Ligt i kishte premtuar trajnerit Erik ten Hag se do të transferohej në “Old Trafford”, andaj edhe nuk i konsideroi Barcelonën e PSG-në, mirëpo do ta rimendonte nëse do të merrte ofertë nga Real Madridi.
“Kishte interesim nga klubet e tjera kur situata e De Ligt në Bayern u bë e qartë. Përfaqësuesit e tij u kontaktuan nga PSG dhe gjiganti spanjoll Barcelona, por iu tregua se Unitedi ishte favoriti”.
“Dëshira e De Ligt për t’u ribashkuar me Ten Hag dhe bindja për klubin anglez ishin faktorët kryesorë. Vetëm nëse Real Madridi do të hynte në garë, mund të ishte skuadra e vetme që do ta vendoste lojtarin në një vendim të vështirë”, shkruan ndër të tjera “The Athletic”.
Inside the Deal: How did #MUFC sign Matthijs de Ligt?
— Jacob Whitehead (@jwhitey98) August 22, 2024
🟠 Childhood love of Jaap Stam
📱 Historic texts with Ten Hag
🇩🇪 Player’s camp believe Kompany wanted to keep him but was overruled
🗣️ Five years since Guardiola/Raiola discord stopped #MCFC movehttps://t.co/jZLEN72NCo
De Ligt përndryshe debutoi në xhiron e parë në Premierligë, duke hyrë në lojën në minutën e 81-të kundër Fulhamit, mirëpo ekziston shansi që të jetë titullar qysh në ndeshjen e radhës, pra në vikend kundër Brightonit.
