Ten Hag thotë se dëbimi i Sanchos u bë për t'u mbrojtur kultura e klubit
Trajneri i Manchester Unitedit, Erik Ten Hag, ka shpjeguar se vendimi i tij për ta dëbuar anësorin anglez, Jadon Sancho, është bërë për ta mbrojtur kulturën e klubit.
Holandezi sugjeroi se Sancho nuk i ka përmbushur kërkesat e kërkuara për të luajtur për United, me paraqitjet e anësorit jo në përputhje me standardet e trajnerit apo klubit. Holandezi shtoi se anësori e di se si mund të rikthehet për të luajtur - megjithëse kjo mundësi duket e pamundur - pasi më parë tha se anglezi duhet të kërkojë falje.
Duke folur për largimin e Sanchos, Ten Hag theksoi: "Pra, bëhet fjalë për një kulturë dhe çdo lojtar duhet të përputhet me standarde të caktuara dhe ishte për këtë. Çfarë do të ndodhë [për të ardhmen e Sanchos?] Ai e di se çfarë duhet të bëjë, nëse ai dëshiron të kthehet dhe varet nga ai. Ai e di se çfarë duhet të bëjë, varet nga ai."
Sancho u shfaq për herë të fundit për United në humbjen e tyre 3:2 ndaj Nottingham Forest më 26 gusht. Ai nuk u emërua në skuadër për t'u përballur me Arsenalin në ndeshjen vijuese dhe, pasi skuadra e tij u mund 3:2 në Emirates, ai kishte postuar në rrjetet sociale, duke pretenduar se ai ishte fajësuar nga Ten Hag jo për faj të tij. Që atëherë, anësori është përjashtuar nga skuadra - pavarësisht rezultatit të mjerueshëm sulmues të United këtë sezon.
Sancho ka luajtur vetëm 76 minuta gjatë gjithë sezonit, duke ardhur nga pankina në tre ndeshjet e para të United. Futja e tij 30-minutëshe kundër Forestit ishte më e gjata që Sancho kishte për të bërë përshtypje në një lojë këtë sezon.
Duket se koha e Sanchos në Old Trafford ka mbaruar. Ish-ylli i Dortmundit pritet të largohet në janar, qoftë në formë huazimi ose përgjithmonë, me një numër klubesh që konkurrojnë për nënshkrimin e të padëshiruarit në 'Teatrin e Ëndrrave'.
