Southgate: Duhet pak kohë që të marr vendimin e duhur
Trajneri i Anglisë, Gareth Southgate, ka folur pas ndeshjes që kombëtarja e tij humbi ndaj Francës për t’u eliminuar në çerekfinale. Ai tha se i duhet pak kohë për të marrë një vendim të duhur për të ardhmen e tij.
Ndeshja u humb me rezultat 2:1 por Harry Kane pati mundësinë të barazojë rezultatin nga pika e bardhë gjashtë minuta pa përfunduar koha e rregullt. Kapiteni i Anglisë, sidoqoftë, nuk arriti ta mposhte Hugo Llorisin, duke çuar topin lart mbi shtyllë, dhe pavarësisht se Anglia ishte dominuese në periudhat e mëdha të ndeshjes, nuk arriti ta tregojë me rezultat, tha Southgate pas humbjes.
"Unë mendoj se paraqitja jonë ka merituar rezultat më të mirë. Në fund, golat janë vendimtarë. Thjesht u kam thënë lojtarëve se nuk mund të jepnin më. Jam krenar për mënyrën se si ata kanë kaluar nëpër këtë turne.
Janë momente kyçe. Në shumicën e momenteve të mëdha, ne ishim në vendin e duhur. Ne ishim këtu për të fituar turneun, kishim besim se mundemi. Ne kemi një ekip që mund ta bëjmë këtë.”
/cdn.vox-cdn.com/uploads/chorus_image/image/69023847/1271406528.0.jpg)
Kur u pyet për humbjen e penalltisë së Kane, Southgate qëndroi pranë lojtarit të tij, duke thënë: "Për mua, ne fitojmë dhe humbasim si ekip. Ne lamë dy [gola] dhe humbëm raste. Harry [Kane] ka qenë i jashtëzakonshëm për ne. Ne nuk do të ishim këtu nëse nuk do të ishte për golat që ai ka shënuar për ne."
Southgate tani ka qenë në krye të Anglisë për tre turne të mëdha, dhe kur u pyet nëse ai do ta udhëheqë ekipin në garën e ardhshme të Euros, ai tha: "Pas çdo turneu, ne jemi ulur, kemi shqyrtuar dhe reflektuar. Kështu që na duhet pak kohë për t'u siguruar që të gjithë të marrim vendimet e duhura."
