“Skuadër mu**”, Kylian Mbappe dhe Lucas Hernandez ngacmojnë Ousmane Dembelen për Barcelonën
Mbrojtësi Lucas Hernandez është tallur me Barcelonën duke e quajtur “Skuadër mu**” gjatë një bisede me bashkëlojtarin Ousmane Dembele.
Francezi e la Barcelonën për t’iu bashkuar “parisienëve” në këtë afat veror, me këta të fundit që aktivizuan një klauzolë private në vlerën e 50 milionë eurove.
“Foot Mercato” raporton se një rast interesant ndodhi gjatë kohës së stërvitjes, ku Kylian Mbappe dhe Lucas Hernandez u tallen me Barcelonën.
Mbappe për një moment e ka pyetur Dembelen: “Ti sapo ke ardhur nga Barcelona, pse nuk këndove?”.
Ndërsa, Hernandez që ishte pranë u kundërpërgjigj: “Si ka mundësi që një skuadër mu** si Barcelona mund ta mësojë për të kënduar”.
Pas kësaj, Mbappe vetëm qeshi duke shtuar “Po”. Ndërkohë, Dembele vetëm mbeti i heshtur duke mos e komentuar situatën
Dembele dhe Hernandez ishin prurjet e fundit të “Parisienëve” në këtë afat veror, derisa klubi e lejoi edhe Mbappen të kthehet në stërvitje pas disa problemeve me shpresën se do ta bindin për rinovimin e kontratës.
PSG pagoi 50 milionë euro për Dembelen, mirëpo që një pjesë të tyre do ta mbajë vetë lojtari, ndërsa Hernandez iu kushtoi rreth 40 milionë euro nga Bayern Munich.
