S’ka fitues në dramën e katër golave mes Sportingut dhe Arsenalit, gjithçka vendoset në "Emirates"
Nuk ka pasur fitues në derbin interesant mes Sporting Lisbones dhe Arsenalit, e vlefshme për raundin e 16-të në Ligën e Evropës.
Ndeshja ishte tejet interesante me dy skuadrat që luajtën futboll ofensivë, por epilogu përfundimtar rezultoi të jetë 2:2.
Arsenal e nisi më mirë me qendërmbrojtësin William Saliba që shënoi me kokë pas një harkimi nga këndi për t'i dhënë epërsinë mysafirëve (22') - VIDEO.
Sidoqoftë, Sporting Lisbona arriti ta barazojë rezultatin me anë të Goncalo Inacio, i cili gjithashtu shënoi me kokë pas rivëndjes këndore (34').
Skuadra portugeze kishte rastin ta përmbyste klubin anglez, por Marcus Edwards dëshpëroi nga afërsia.
Menjëherë në pjesën e dytë, Arsenal rrezikoi me anë të Gabriel Martinellit, i cili dribloi nga gjysma e fushës por në fund goditja e tij u devijua.
Kur askush nuk e priste, Sportingu krijoi një aksion të shpejtë me Paulinhon që shënoi nga afërsia pas një topi të kthyer (55').
Mirëpo, Arsenal nuk u dorëzua dhe arriti ta barazojë rezultatin me një autogol të Hidemasa Moritas, i cili devijoi gjuajtjen e Granit Xhakës nga distanca (62').
Kësisoj, Arsenal duhet të pajtohet vetëm me një barazim në Portugali dhe tani çerekfinalisti do të mësohet në "Emirates Stadium" pas një jave.
