Shtëpia e yllit të Real Madridit u plaçkit, teksa ai po luante në finale të Kupës së Mbretit

Sulmuesi i Real Madridit, Rodrygo, ishte viktimë e një plaçkitje të shtëpisë së tij, teksa ai po luante në finalen e Kupës së Mbretit, ku mbretërit triumfuan falë golave të tij në Sevilla kundër Osasunës.

Policia erdhi në shtëpinë e Rodrygos në periferi të La Moralejas të Madridit menjëherë, pasi u alarmua nga një pjesëtar i sigurisë për një vjedhje, sipas Marca.

Disa nga dhomat ishin të çrregulluara, megjithëse nuk është ende e qartë nëse është marrë ndonjë gjë. Policia po mbledh provat dhe po vijon hetimet për zbardhjen e ngjarjes.

Shtëpia ishte bosh në atë kohë me Rodrygo dhe prindërit e tij në Sevilla për finalen e Kupës së Mbretit.

Rodrygo shënoi të dy golat në një fitore 2:1 për Real Madridin ndaj Osasunas për t'i dhënë gjigantëve spanjollë triumfin e parë në këtë garë që nga viti 2014.

Futboll / Triumfi i 20-të në finalen e 40-të për Real Madridin, mbretërit triumfojnë në finale të Kupës së Mbretit ndaj Osasunës

Braziliani foli pas fitores, duke shpjeguar se festimi i tij i golit i ishte kushtuar një djali tetë vjeçar që kishte takuar, i cili së fundmi kishte mposhtur kancerin.

Rodrygo nuk është futbollisti i parë që ka qenë cak i një vjedhje së fundmi. Shtëpia e Mohamed Salah në Kajro ishte në shënjestër në fillim të këtij viti, me hajdutët që largoheshin me marrës satelitorë.

Në gusht 2022, sulmuesi Pierre-Emerick Aubameyang u sulmua në shtëpi në Barcelonë pas një depërtimi nga grabitësit e armatosur.