Shpresa e Chelseas përfundon, Gvardiol vazhdon kontratën me Leipzig
Mbrojtësi i Leipzig, Jose Gvardiol, ishte shpresa e Chelseas për të nënshkruar në ditën e fundit të afatit kalimtar veror, por lojtari kroat ka thyer këtë shpresë duke vazhduar kontratën edhe për një vit me skuadrën aktuale.
Kontrata aktuale e mbrojtësit 20-vjeçar përfundonte në vitin 2026, ndërsa tani me nënshkrimin sot ajo vazhdohet deri në vitin 2027, duke përmbyllur të gjitha raportimet për një kalim te londinezët në orët e fundit të afatit veror.
Joško #Gvardiol verlängert seinen Vertrag bei #RBLeipzig vorzeitig um ein Jahr bis 2027 🤝 pic.twitter.com/qdSGY8iY4e
— RB Leipzig (@RBLeipzig) September 1, 2022
Njoftimin për vazhdimin e kontratës e ka komunikuar vet skuadra me anë të rrjeteve sociale.
Të martën gjatë ditës, drejtori ekzekutiv i Leipzig, Oliver Mintzlaff, e bëri të qartë se lojtari nuk është në shitje, pavarësisht ofertës marramendëse të Chelseas, prej 90 milionë eurosh.
Të kaltrit e Londrës në këtë afat kalimtar kanë nënshkruar me tre mbrojtës deri në këtë kohë, duke siguruar shërbimet e Kalidou Koulibalyt, Wesley Fofanas dhe Marc Cucurellas.
