Shkëlqen Lookman, Atalanta fiton ndaj Napolit

Atalanta ka shënuar fitore në udhëtim te Napoli, në kuadër të xhiros së 11-të në Serie A.

Mysafirët triumfuan me rezultat 0:3, sfidë që e dominuan nga fillimi.

Ademola Lookman pas vetëm 10 minutave lojë kaloi Atalantan në epërsi pas një aksioni të shpejtë.

I njëjti pastaj dyfishoi epërsinë duke u gjendur në vendin e duhur (31’).

Napoli tentoi të këndellet, me kapitenin Amir Rrahmani që ishte pranë të shënonte me kokë pas një harkimi, sidoqoftë portieri mysafir bëri një pritje të bukur.

Krejt në fund, Atalanta e shënoi edhe golin e fitores përmes Mateo Retegui për t’ia shkaktuar Napolit humbjen e dytë këtë sezon (90+3’).

Napoli qëndron lider në Serie A me 25 pikë, kurse Atalanta tani renditet në pozitën e dytë me 22 sosh.