Shitje rekord, arrihet marrëveshja mes yllit të Manchester Cityt e Atletico Madridit

Manchester City është pajtuar që ta shesë Julian Alvarezin te Atletico Madrid për një shumë rekorde në vlerën rreth 82 milionë funte, që nëse materializohet do të bëhet shitja më e shtrenjtë e Qytetarëve.

Sipas David Ornstein, Atletico Madrid ka arritur marrëveshje totale për të nënshkruar me sulmuesin argjentinas Alvarez nga kampioni në fuqi i Premierligës, Manchester City. Skuadra angleze do të marrë një tarifë transferimi rekord të klubit prej 82 milionë £ (95 milionë euro duke përfshirë shtesat) në këmbim.

Dy klubet kanë negociuar kushtet e pagesës dhe tarifën përfundimtare që nga e hëna, por tani kanë arritur një marrëveshje. Atletico do të diskutojë kushtet personale me sulmuesin përpara se të përfundojë zyrtarisht transferimin e tij në Spanjë.

Sulmuesi fitues i Kupës së Botës iu bashkua Qytetarëve nga River Plate në janar 2022 për vetëm 17 milionë euro (14 milion £) dhe më pas nënshkroi një kontratë të re vitin e kaluar e cila zgjati qëndrimin e tij në klub deri në vitin 2028. Ai luajti një rol vendimtar në urdhrat e Pep Guardiolas duke fituar tripletën në sezonin 2022/23 dhe më pas kontribuoi me 11 gola në ligë sezonin e kaluar pasi City u bë klubi i parë në historinë e futbollit anglez që fitoi katër tituj radhazi të elitës angleze.

24-vjeçari mund të bëjë debutimin e tij në Spanjë më 20 gusht, Atletico Madrid do të nisë sezonin e ri të La Ligës me një përplasje kundër Villarrealit dhe Diego Simeone nuk mund të jetë më i lumtur se me ardhjen e bashkëvendasit të tij.