Ronaldo: Ishte e padrejtë, Vinicius duhej ta fitonte Topin e Artë
Duke folur në Globe Soccer Awards sot, legjenda e Real Madridit, Cristiano Ronaldo, tha se Topi i Artë 2024 ishte i padrejtë, pasi Vinicius Junior nuk e fitoi atë.
Vinicius ishte favoriti kryesor për të fituar Topin e Artë këtë vit pas sezonit të suksesshëm që pati me Real Madridin.
Megjithatë, ishte mesfushori i Manchester Cityt, Rodri që fitoi Topin e Artë pas triumfoi në Premierligë dhe Kampionat Evropian me Manchester Cityn dhe Spanjën, respektivisht.
Rezultati shkaktoi shumë polemika, me Los Blancos që shmangën edhe ceremoninë e Topit të Artë në Paris, ndërsa disa ish-futbollistë dhe futbollistë kanë dalë dhe kanë deklaruar se Vinicius e meritonte të fitonte.
Tani i bashkohet grupit Cristiano Ronaldo, i cili foli për mediat në galën e Globe Soccer Awards, ku Vinicius u shpall Sulmuesi më i mirë i Vitit dhe Lojtari më i Mirë i Vitit.
“Vinicius Jr. duhet të kishte fituar Topin e Artë, për mendimin tim ishte e qartë”, tha Ronaldo, cituar nga Fabrizio Romano.
“Ishte e padrejtë. Kjo është arsyeja pse unë i dua Globe Soccer Awards, ata janë të sinqertë,” shtoi ai.
🚨 “Vinicius Jr deserved the Ballon d’Or”, says Cristiano Ronaldo. ✨ pic.twitter.com/J3lsCPkzqa
— Fabrizio Romano (@FabrizioRomano) December 27, 2024
Ronaldo, një fitues pesë herë i çmimit të Topit të Artë, dhe një nga më të mëdhenjtë që ka luajtur ndonjëherë këtë lojë, të tregojë mbështetje për Vinicius Junior, do të thotë shumë.
Ndërkohë, gala e Globe Soccer Awards pa Real Madridin të fitonte një bollëk nderimesh, me Carlo Ancelotti, Florentino Perez, Jude Bellingham, Vinicius dhe të gjithë ekipin duke u nderuar.
