Ronaldo e mbështet Mbappen: Do t’ia del shumë mirë te Real Madridi

Sulmuesi Cristiano Ronaldo e ka mbështetur Kylian Mbappen se do t’ia del për mrekulli te Real Madridi.

Francezi është kritikuar për paraqitjet e para me “Los Blancos”, meqenëse nuk është që kishte formën që jemi mësuar ta shohim.

Sidoqoftë, Ronaldo beson se Mbappe do të shkëlqejë te Reali, klub në të cilin struktura mbetet shumë solide.

“Mendoj se Kylian do t’ia del shumë mirë te Real Madridi”.

“Struktura e klubit është shumë e mirë, solide. Kanë trajner të mirë dhe president. Ai do t’ia del sigurisht”, deklaroi ai.

Ndërkohë, Ronaldo kishte fjalë të mëdha për ish klubin, të cilin e vlerësoi si klubi më i mirë në histori të futbollit.

“Real Madridi po duket mirë. Është një ekip që nuk nxitojnë në presion. Shumica e njerëzve thonë se “ata janë me fat në Ligën e Kampionëve”. Jo, ata nuk janë me fat. Ata kanë trurin e tyre, ata përgatiten për momente të tilla. Ata kanë një aurë tjetër. Energjia është tjetër…Real Madridi është ekipi më i mirë në histori”.

Kujtojmë, Mbappe së fundmi edhe u la në stol në përballjen e fundit të Francës ndaj Belgjikës.