Roma nënshkruan me yllin e Leeds Unitedit, afër ta përfundojë marrëveshjen edhe për Kristensen
Roma ka arritur marrëveshje me Leeds United për transferimin e Diego Llorentes në formë huazimi me detyrim blerje në fund të sezonit, por gjigantët e Serie A-së janë duke punuar që gjithashtu të sigurojnë shërbimet edhe të Rasmus Kristensen.
Llorente veçse i kishte kaluar gjashtë muajt e fundit në Stadio Olimpico si huazim me një kosto prej 500,000 €.
Sipas Sky Sport Italia, marrëveshja është bërë për të rinovuar huazimin e Llorentes, por me një detyrim të shtuar për të blerë për 5 milionë euro nëse plotësohen disa kushte në fund të sezonit 2023/24.
Këto kushte do të ishin që mbrojtësi të luajë të paktën 50 për qind të ndeshjeve garuese të Romës në këtë sezon.
Është diçka e volitshme, duke pasur parasysh se Leeds pagoi 20 milionë euro për të nënshkruar me Llorenten nga Real Sociedad në verën e vitit 2020, por Leeds është vënë në një pozitë të vështirë për shkak të rënies së tyre nga Premierliga.
Një tjetër lojtar i Leeds United është në prag të bashkimit me Romën dhe ai është mbrojtësi i djathtë Kristensen, pasi raportohet se ai do të arrijë në formë huazimi me opsion blerjeje për 10 milionë euro.
