Renditja e FIFA-s: Argjentina qëndron në krye, Anglia e Spanja ngjiten, ndërsa Kosova pëson rënie

Kampionia e sapokurorëzuar e Evropës, Spanja, është ngjitur për pesë vende në përditësimin e fundit të renditjes nga FIFA, me Argjentinën që vazhdon të mbetet e para, ndërsa Kosova ka pësuar rënie prej një pozite.

Fituesi i Kupës së Botës Argjentina mbajti vendin e parë pas triumfit të tyre në Kupën e Amerikës, duke mposhtur Kolumbinë 1:0.

Anglia u ngjit me një vend në vendin e katërt, duke tejkaluar Brazilin, pasi këta të fundit zhgënjyen në Kupë të Amerikës.

Venezuela, e cila arriti në çerekfinalet e Kupës së Amerikës, ishte skuadra më e përmirësuar në renditje, duke u ngjitur me 17 vende në vendin e 37-të, me çerekfinalistët e Euros, Turqinë që kërcejnë 16 vende në të 26-in.

Shtetet e Bashkuara, të cilat u eliminuan gjatë fazës së grupeve në Kupë të Amerikës, ranë pesë vende nga vendi i 11-të në vendin e 16-të.

Shqipëria që u kualifikua në Evropian, nuk pati ndryshim në renditje duke qëndruar në vendin e 66-të, ndërsa Kombëtarja e Kosovës ka rënë për një pozitë, nga 105 në 106.

Top 10 dhe renditja e Kosovës, Shqipërisë

1 - Argjentinë

2 - Francë

3 - Spanjë

4 - Angli

5 - Brazil

6 - Belgjikë

7 - Holandë

8 - Portugali

9 - Kolumbi

10 - Itali

---

66 - Shqipëria

---

106 - Kosova.