Real Madridi vlerëson se Kylian Mbappe është fajtori për paraqitjet dëshpëruese këtë sezon
Trajneri i Real Madridit Carlo Ancelotti beson se sulmuesi Kylian Mbappe është arsyeja që skuadra madrilene po dëshpëron me paraqitje këtë sezon.
“Los Blancos” dallojnë shumë nga sezoni i kaluar, ku pavarësisht se të gjithë prisnin që të jenë më të fuqishëm, ka ndodhur krejt e kundërta.
“Relevo” raporton se Ancelotti ka analizuar të gjitha ndeshjet dhe është dalë në përfundim që Mbappe është arsyeja se pse Reali s’po përformon siç duhet.
Sipas raportit, Mbappe nuk bën asnjë punë në aspektin defansiv dhe po ndikon në bilancin e skuadrës.
Shkak i kësaj edhe lojtarët e tjerë janë lodhur nga Mbappe sepse po detyrohen të vrapojnë shumë më shumë, si dhe iu nevojitet më shumë punë për ta rikuperuar topin.
Mesfushori Jude Bellingham është lojtari më i ndikuar në këtë aspekt dhe statistikat flasin vetë, ku anglezi ka dështuar të shënojë gol në këtë sezon.
Megjithatë, Real Madridi ka besim te Mbappe dhe po pret që francezi të jetë vetëkritik dhe të kuptojë se është i rëndësishëm po aq në aspektin ofansiv ashtu edhe në mbrojtje.
Ndërkohë, Ancelotti disa herë e ka kritikuar Mbappen publikisht duke i treguar se nga ai presin më shumë gola, si dhe finalizimin e aksioneve.
