Real Madridi thërret takim urgjent të bordit për të diskutuar për Barcelonën

Klubi mbretëror, Real Madrid, me anë të një komunikate zyrtare ka kumtuar se ka thirrur një takim urgjent të bordit për të diskutuar për akuzat që janë hedhur mbi Barcelonën mbi korrupsionin me gjyqtarët.

Klubi katalanas dhe ish-presidentët Sandro Rosell dhe Josep María Bartomeu janë denoncuar zyrtarisht nga prokurorët pasi hetimi për çështjen Negreira u zyrtarizua. Pretendohet se klubi ka bërë pagesa në shumën e gati 7 milionë eurove, midis vitit 2001 dhe 2018 në llogarinë e ish-zëvendëspresidentit të Komitetit Teknik të Gjyqtarëve (CTA), Jose Maria Enriquez Negreira. Tani, Real Madrid ka thirrur një mbledhje urgjente të bordit të drejtorëve për të shikuar se si duhet të veprohet në vazhdim.

Ballina / Zyrtare: Barcelona po hetohet për korrupsion

Në një deklaratë të Real Madrid thuhet : “Duke pasur parasysh seriozitetin e akuzave të bëra nga Prokuroria e Barcelonës kundër FC Barcelona dhe dy prej presidentëve të saj për dyshime të bazuara për korrupsion dhe marrëdhëniet e tyre me këdo që ishte nënkryetar i Komitetit Teknik të Gjyqtarëve, José María Enríquez Negreira, presidenti ka mbledhur urgjentisht Bordin e Drejtorëve nesër, të dielën, 12 mars 2023 në orën 12:00, për të vendosur se si do të veprohet në mënyrë të përshtatshme nga Real Madridi.”

Kjo është hera e parë që Mbretërit i adresojnë publikisht akuzat për korrupsion, me rivalët e kryesor të Barçës të acaruar qartë nga 'rasti Negreira'. Ata nuk kishin mbështetur deklaratën e mëparshme të lëshuar nga 40 skuadra të La Ligës që "refuzuan dhe dënuan" rastin dhe tani me sa duket po ndjekin opsionet e tyre ligjore. Nëse Barcelona shpallet fajtore, mund të përballet me sanksione sportive, siç raportohet në mediat lokale spanjolle.

Kjo do të jetë një betejë e gjatë ligjore që mund të përfundojë me vendosjen e sanksioneve ndaj klubit nëse vërtetohet fajësia, por rezultatet nuk priten të bëhen publike shumë shpejt.