Real Madridi ka filluar kontaktet e para me Alexander-Arnold

Kampioni i Evropës, Real Madrid, raportohet se ka filluar bisedimet me mbrojtësin e Liverpoolit, Trent Alexander-Arnold, për një transferim pa pagesë.

Reprezentuesi anglez e ka çimentuar veten si një nga mbrojtësit më të mirë në Evropë dhe si rezultat, po tërheq interes nga Carlo Ancelotti dhe Real Madrid. Sipas Relevo, Los Blancos kanë bërë kontaktet e parë me 25-vjeçarin në një përpjekje për ta bindur atë të bëjë kalimin në Spanjë verën e ardhshme.

Humbja e Alexander-Arnold një futbollist anglez që i ka fituar të gjitha me klubin, do të ishte një goditje e madhe për Liverpoolin. Conor Bradley është shfaqur si një zëvendësues i përshtatshëm për mbrojtësin e djathtë, por është e vështirë për këdo që të arrijë nivelet që ylli i Merseyside mund të arrijë kur është në formë.

Alexander-Arnold ka një miqësi shumë të ngushtë me yllin e Madridit, Jude Bellingham. Dyshja shijuan shumë kohë së bashku me Anglinë gjatë Euro 2024 dhe ish-mesfushori i Birmingham mund të jetë çelësi për të bindur mbrojtësin të largohet nga klubi i tij i fëmijërisë.

Tani për tani, Alexander-Arnold është një lojtar i Liverpool dhe ai ende mund të nënshkruajë një vazhdim me të kuqtë. Fokusi i tij do të jetë në fushë në këtë moment, ku skuadra e Arne Slot do të udhëtojë në Crystal Palace të shtunën.