“Rashford duket i lumtur dhe kjo shkaku i largimit të Ronaldos”
Legjenda angleze Alan Shearer thotë se arsyeja kryesore e formës fantastike të Marcus Rashfordit është largimi i Cristiano Ronaldos.
Rashford është rikthyer në formën më të mirë të mundshme duke shënuar 30 gola këtë edicion në të gjitha garat, gjë që s’e kishte arritur në vitet e fundit.
Shearer beson se transferimi i Ronaldos te Al Nassr ka qenë çelësi kyç që anglezi të bëhet lojtari kryesor në “Old Trafford”.
“Disa gjëra, nuk ka dyshime që Erik ten Hag e ka ndihmuar, finalizimi është përmirësuar, duket më në formë. Edicionin e kaluar kishte shumë lëndime që nuk e ndihmuan”.
“Por, gjëja më e madhe që i ka ndodhur është largimi i Ronaldos”.
“Tani ndihet si lojtari kryesor, mund të jetë vetë, nuk i intereson nëse humbet një shans, do ta ketë një tjetër dhe prapë një tjetër”.
“Mund ta shohësh në 19 ndeshje që kur Ronaldo u largua, mund ta shihni përgjigjen. Duket i lumtur tani dhe arsyeja kryesore është largimi i Ronaldos”.
Para se të kalonte në Arabinë Saudite, Ronaldo ishte shumë i palumtur te “Djajtë e Kuq” ku në një intervistë për Piers Morgan kritikoi drejtuesit dhe lojtarët aktual.
Sidoqoftë, kontrata e Rashfordit do të skadojë në verë mirëpo mbetet në negociata për rinovimin.
