Rapid Bukureshti thotë se Albion Rrahmani është operuar në tru
Skuadra rumune Rapid Bukuresht ka njoftuar se sulmuesi kosovar Albion Rrahmani ka kryer një operacion në tru.
Ish ylli i Ballkanit është akuzuar me të madhe në Rumani se ka refuzuar të flet për mediat lokale shkaku i asaj që ndodhi në përballjen e shtatorit kundër “Dardanëve”.
Sidoqoftë, i menjëhershëm ka qenë reagimi i skuadrës rumune që i ka hedhur poshtë këto akuza duke treguar se Rrahmani ka pasur një injeksion në tru, ku operacioni ka qenë i obligueshëm.
“Pas ndeshjes sulmuesi Albion Rrahmani u akuzua nga disa media sportive se refuzoi të flet në intervista. Klubi ynë është në dijeni që lojtarët janë të obliguar të flasin pas ndeshjes shkaku i të drejtave televizive”.
“Mirëpo duam të njoftojmë se mungesa e Rrahmanit s’ka të bëjë asgjë lidhur me incidentin që i ndodhi përfaqësueses së Kosovës ashtu si disa media spekuluan”.
“Ai nuk doli pas ndeshjes shkaku i disa problemeve mjekësore, me të cilat është përballur javën e kaluar. Albion ka pasur një infeksion në tru, ku operacioni u realizua”.
“Pas kërkesës së përfaqësuesve të klubit dhe drejtave televizive, Rrahmani u zëvendësua në intervista nga një lojtar tjetër”, nënvizoi klubi rumun.
Përditësim 19.09.2023 (Ora 18:00): Përkthimi në uebsajtin e klubit rumun ka qenë i gabuar dhe Albion Rrahmani s'ka pasur asnjë intervenim në tru, por në dhemb. Babai i tij Dritoni për "RTKLive" ka deklaruar se djali i tij ka pasur një intervenim në dhemb.
“Albioni ka pasur intervenim për një dhëmb e jo operim në tru. Ai ka qenë pjesë Rapidit në ndeshjen e fundit. Albioni është mirë më shëndet dhe në formë mjaft të mirë”, deklaroi ai.
