PSG e largon nga stërvitja Ugarten, ylli uruguaian në pritje të transferimit në Manchester United
Caku kryesor i mbetur i Manchester United, Manuel Ugarte, raportohet se e kanë larguar nga stërvitja dhe këtë vendim thuhet se e ka marrë trajneri Luis Enrique.
Loic Tanzi për L'Equipe tha se mesfushori uruguaian, së bashku me Danilo dhe Nordi Mukiele, u lanë jashtë stërvitjes së PSG-së të martën mes thashethemeve për largimin e të tre lojtarëve nga klubi në afatin kalimtar. Ugarte është lidhur me një kalim te Manchester United për disa kohë dhe tani duket se marrëveshja mund të mbyllet së shpejti.
Fabrizio Romano raporton se super agjenti Jorge Mendes, i cili më parë përfaqësonte Cristiano Ronaldon, ka mbërritur në Mbretërinë e Bashkuar për të negociuar marrëveshje për dy klientët e tij Joao Felix dhe Ugarte. Chelsea është në bisedime me Atletico Madridin për një transferim të mundshëm të Felix. Sa i përket Ugarte, ai tashmë ka rënë dakord për kushtet personale me United, megjithatë, ata tani po bëjnë presion për të ulur tarifën e transferimit. Nëse PSG refuzon të lëvizë për çmimin e kërkuar, United do të duhet të bëjë disa shitje të tjera përpara se të nënshkruajë marrëveshjen.
Klubi i Manchesterit ishte i lidhur gjithashtu me një lëvizje për mesfushorin francez, Youssouf Fofana, megjithatë, lojtari thuhet se është i interesuar të bëjë një lëvizje te gjiganti i Serie A, AC Milan.
Skuadra e Erik ten Hag do të fillojë rruëgtimin e tyre në Premierligë për sezonin 2024-2025 të premten, ndërsa do të përballet me Fulhamin në "Old Trafford". Ugarte, ndërkohë, nuk pritet të paraqitet kur PSG të hapë sezonin e ri të Ligue 1 kundër Le Havre në të njëjtën ditë.
