Pronarët e PSG-së shesin aksionet minoritare të klubit për 4.25 miliardë euro te një firmë amerikane
Një firmë amerikane e quajtur Arctos Parnters ka arritur marrëveshje për të blerë aksionet minoritare të kampionit të Francës, Paris Saint-Germain për 4.25 miliardë euro, siç njoftoi skuadra e Ligue 1 sot.
Një burim i tha ESPN se Arctos do të blinte 12.5% të aksioneve, që vlerësohen nga pronarët e PSG-sëme 4 miliardë euro (4.32 miliardë dollarë), një vlerësim rekord i lartë për një klub futbolli.
PSG tha se investimi i Arctos do të shkojë drejt rritjes së operacioneve të klubit dhe mbështetjes së iniciativave të tyre të pasurive të paluajtshme, duke përfshirë stadiumin dhe qendrën stërvitore.
Qatar Sports Investments (QSI), e cila bleu PSG-në në vitin 2011, do të vazhdojë të ketë kontrollin e plotë të klubit dhe vendimmarrjes së tij.
Arctos do të jetë një pronar jo kontrollues dhe nuk do të ketë asnjë ndikim në asnjë çështje sportive në fushë, tha PSG në një deklaratë.
“Si klub dhe institucion, ne po hyjmë në fazën tjetër emocionuese të rritjes dhe zhvillimit të PSG-së, si brenda ashtu edhe jashtë fushës – e cila bazohet në ambiciet afatgjata dhe arritjen e përsosmërisë në gjithçka që bëjmë”, tha presidenti i PSG-së, Nasser Al-Khelaifi.
“Arctos është një partner fantastik për të na ndihmuar të arrijmë qëllimet tona, duke sjellë ekspertizë strategjike, ide dhe inovacion në biznesin tonë, duke ofruar investime dhe marrëdhënie të reja për të mbështetur qëllimet tona të futbollit dhe sportit”.
QSI and Arctos Partners have today announced a landmark strategic partnership and investment deal that will see Arctos acquire a minority common equity stake in Paris Saint-Germain.
— Paris Saint-Germain (@PSG_English) December 7, 2023
PSG ka fituar nëntë tituj të Ligue 1 që kur QSI mori përsipër klubin. Ata kanë një epërsi prej katër pikësh në krye të Ligue 1 pas 14 ndeshjeve këtë sezon.
