Presidenti i UEFA-s thotë se pas vitit 2025 finalja e Ligës së Kampionëve mund të zhvillohet në Amerikë
Presidenti i UEFA-s, Aleksander Ceferin, edhe një herë ka folur rreth diskutimeve për zhvillimin e ndeshjeve të Ligës së Kampionëve në Amerikë, duke thënë se ka pasur bisedime rreth kësaj teme dhe një finale pas vitit 2025 është shumë e mund të zhvillohet atje.
Në një intervistë për Men in Blazers, Ceferin tha se ai nuk do të përjashtonte mbajtjen e një pjese të ngjarjes vjetore më të ndjekur të futbollit në botë jashtë Evropës.
“Është e mundur [Liga e Kampionëve në SHBA]”, tha Ceferin. "Ne filluam të diskutonim për këtë, por vitin që lamë pas ishte Kupa e Botës, 2024 është Euro, këtë vit finalja është në Stamboll, '24 në Londër, '25 në Munich. Dhe pas kësaj le të shohim. Është e mundur, është e mundur."
Në vitin 2016, Ceferin për herë të parë nxori idenë e ndeshjeve të mundshme të klubeve evropiane brenda sezonit në Shtetet e Bashkuara.
Por në shtatorin e vitit të kaluar ishte vet ai që kishte thënë se nuk ka pasur diskutime për diçka të tillë.
“Unë do të isha i vetëdijshëm nëse do të kishte ndonjë diskutim për zhvillimin e ndeshjeve të Ligës së Kampionëve jashtë Evropës dhe nuk di asgjë në lidhje me këtë”, kishte thënë ai për Europa Press.
