Presidenti i Hertha Berlin vdes në moshën 43-vjeçare

Presidenti i Hertha Berlin, Kay Bernstein, një ish-tifoz i çmendur i klubit i cili mori befasisht presidencën në vitin 2022, ka vdekur në moshën 43-vjeçare, siç njoftoi klubi me anë të një deklarate sot gjatë ditës.

Bernstein ishte një përkrahës prej kohësh si ultras dhe fitorja e tij në zgjedhjet presidenciale - e para për klubet e Bundesligës - u përshëndet në të gjithë Gjermaninë si një fitore për tifozët kundër komercializimit të sportit.

"Hertha BSC po mban zi për vdekjen e Kay Bernstein. Klubi mori lajmin e tmerrshëm të martën se presidenti Kay Bernstein ka ndërruar jetë papritur në moshën 43-vjeçare. I gjithë klubi, organet e tij drejtuese dhe anëtarët e stafit janë të shokuar dhe të pikëlluar thellësisht nga lajmi. E gjithë familja Hertha po mban zi për vdekjen e Kay dhe po mendon për familjen dhe miqtë e tij," u tha në komunikatë.

Hertha, e cila ra nga Bundesliga sezonin e kaluar, është e shtata në renditje në nivelin e dytë të ligës, 10 pikë larg liderit Kiel dhe gjashtë nga zona e play-offit për inkuadrim në elitën gjermane.