Potter tregon se pse e zëvendësoi Cucurellën në pjesën e parë në barazimin me Man Utd
Trajneri i Chelseat, Graham Potter, e largoi nga ndeshja Marc Cucurellën pas vetëm 35 minutave të para të zhvilluara, në barazimin me Manchester United 1:1.
Potter zëvendësoi Cucurellën me Mateo Kovacic dhe kaloi në mbrojtje me katër në pjesën e parë kundër Unitedit, pasi pa vizitorët të dominonin në fillim të ndeshjes.
Mbrojtësi, i cili i kushtoi Chelseat 65 milionë euro në verë , tani është zëvendësuar në secilin prej tre ndeshjeve që ka filluar për Chelsea. Potter shpjegoi vendimin e tij pas bilbilit të fundit në Stamford Bridge.
“Kuptimi në lojë ishte se ne po mbyteshim pak në mesfushë dhe kishim nevojë për një lojtar shtesë aty për të krijuar pak më shumë presion dhe për t'i ndaluar ata të ndërtonin sulmet e tyre, dhe për këtë arsye na e bënte më të vështirë ndërtojmë tonën”, tha ai. "Është thjesht një ndjenjë që kisha. Nuk ishte aspak një vendim i lehtë për t'u marrë, por djemtë u përgjigjën shumë mirë dhe dhanë gjithçka."
Ishte një vendim i guximshëm për Potter që të hiqte dorë nga formacioni i tij 3-4-2-1, pasi pa mesfushën e tij të mbingarkuar. Të kaltrit u përmirësuan dhe menduan se e kishin fituar kur Jorginho shënoi 1-0 në minutën e 87-të nga penalltia, por Casemiro doli në skenë në minutat e shtesës për të rrëmbyer një pikë të artë për Djajtë e Kuq.
Potter tani është i pamposhtur në tre ndeshjet e tij të fundit në Premierligë kundër Unitedit, pasi humbi secilën nga pesë ndeshjet e tij të para në ligë kundër Djajve të Kuq si trajner paraprakisht.
Të kaltrit e Londrës udhëtojnë në Austri për ndeshjen me RB Salzburg të martën në Ligën e Kampionëve dhe me fitore do të kualifikohen në fazën e eliminimit direkt.
